1 Korintofoɛ 4:14 - AHYERƐLƐ KRONGRON

¹⁴ Mengyerɛ ɛhe memma ngua ɛmɔ nyunu ase, nakoso mefa metu ɛmɔ foɛ kyɛ me mma bɔ mekuro ɛmɔ dwirɛ ɔ.

1 Korintofoɛ 4:14 Iomraidhean Croise

Hesekiel 3:21

Nakoso sɛ ɛbɔ teneneeniɛ kɔkɔ kyɛ nnɛmaa ɔyɔ bɔne, ná wanyɔ bɔne a, ye de okonya ngoa amba, ofikyɛ otiele kɔkɔbɔlɛ ne, na wɔ wora apepɛ ale wɔ kra.”

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

1 Korintofoɛ 15:34

Ɛ́mɔfa adwene paa ná ɛ́mɔyakyi bɔne yɔlɛ, ofikyɛ ɛmɔ nu biemɔ belle Nyameɛ nwo nimdeɛ. Mekã he maa ɛmɔ nyunu gua ase.

1 Korintofoɛ 4:15

Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

1 Korintofoɛ 4:17

Ɛhe ati, mésoma mma Timoteo bɔ mekuro ye dwirɛ ná odi nahorɛ wɔ Awurade nu ne wɔ ɛmɔ berɛ, kyɛ ɔɔkayekaye ɛmɔ me Kristo nu brabɔlɛ, kyɛbɔ mekyirekyire ye asɔre biala nu wɔ nekaa biala ne.

1 Korintofoɛ 6:5

Meka ɛhe ma ɛmɔfɛre. Aso nworɛniɛ komapɛ po nne ɛmɔ nu bɔ ɔkɔhora kosiesie aliɛmaa ne aliɛmaa b’afia dwirɛ ɔ,

1 Korintofoɛ 9:15

Nakoso mmmisale ɛmɔ asɛdeɛ he nwo hwee; yeɛ mengyerɛ krataa he memmrɛ ɛmɔ kyɛ ɛmɔyɔ sɔ asɛdeɛ ne bɛma me. Ofikyɛ, kyɛ ebie kɔma me nwo hoahoalɛ kɔyɛ mbaen de, nzaade maa nwu.

2 Korintofoɛ 11:11

Nzu ati ɔ? Aso menguro ɛmɔ dwirɛ hɔ ɔ? Nyameɛ yeɛ ɔse ɔ.

2 Korintofoɛ 12:19

Ɛmɔdwene kyɛ yɛ noa yeɛ yɛye yɛkyire ɛmɔ ɔ? Daabi. Yɛdwudwo Kristo dumaa nu wɔ Nyameɛ nyunu; na aliɛmaa mɔ, ɛmɔ ngɔsoɛ ti yeɛ ɔmaa yɛkã ɛhe amukoraa ɔ.

2 Korintofoɛ 7:3

Menga he memmua ɛmɔ foɛ, ofikyɛ mali moa mahã kyɛ ɛmɔbata y’ahone nwo, bɔ sɛ ewue nu oo, ngoa nu oo, yɛne ɛmɔ ala.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

1 Tɛsalonikafoɛ 2:11

Ɛmɔse kyɛ yɛtuli ɛmɔ nu biala foɛ, yɛkyekyele ɛmɔ wora kyɛbɔ seɛ si yɛ ye mma ɔ, na yɛhyɛle ɛmɔ nguraen,

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

2 Tɛsalonika 3:14

Na sɛ ebie ngotie bɔ yahã ye wɔ krataa ye anu a, ɛmɔhyɛ sɔ sona ne nzorɛ, na nnɛma ɛmɔ ne ye bɛbɔ afɛ, ná ɛ́mɔma ɔfɛre.

Filemɔn 1:10

Mepa wɔ kyerɛ mema mma Onesimo bɔ mayɛ ye baba wɔ me kuku nu nnaa ye anu ɔ.

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

3 Yohane 1:4

Nikyee biala mma me anigye bɔ ɔtra so te kyɛ ngɔte kyɛ me mma mɔ nate nahorɛ ne anu ɔ.