1 Korintofoɛ 4:12 - AHYERƐLƐ KRONGRON

¹² na yɛyere yɛ nwo yɛfa yɛ bɔbɔ yɛ sa yɛyɔ adwuma. Bɛbɔ yɛ alapaa a, yɛyirayira bɛ. Bɛtane yɛ nye a, yɛgyina pindinn.

1 Korintofoɛ 4:12 Iomraidhean Croise

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Luka 6:28

Ɛ́mɔyira bɛ bɔ bɛnoma ɛmɔ ɔ, ná ɛ́mɔbɔ mbaeɛ bɛ́ma bɛ bɔ bɛteetee ɛmɔ ɔ.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Asomafoɛ 18:3

na kyɛbɔ ɛtena sua nwonɛ te bɛ mukoraa bɛ sa noa adwuma ne ati, ɔne bɛ tenane, na ɔne bɛ yɔle adwuma.

Asomafoɛ 20:34

Ɛmɔ bɔbɔ ɛmɔse kyɛ me sa noa adwuma yeɛ mva neane me nwo ne bɛ bɔ bɛboka me so ne ɔ.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Romanfoɛ 12:14

Ɛ́mɔyirayira bɛ bɔ bɛtane ɛmɔ nye ɔ, ɛ́mɔyirayira bɛ, na nnɛma ɛmɔnoma bɛ.

Romanfoɛ 12:20

Yiti sɛ ɛhɔen ku wɔ pɔfoɛ a, ma ye nikyee ma oli; yeɛ sɛ nzuhɔen ku ye a, ma ye nzue ma ɔno; ofikyɛ sɛ ɛyɔ sɔ a, ɛkɔboaboa see nzramaa noa ekogua ye ti afia.

Romanfoɛ 8:35

Nwa yeɛ ɔkɔte yɛ kofi Kristo ɔdɔ ne anwo ɔ? Amaneɛnwunɛ anaa anwokyere anaa ndaneanyeɛ anaa ɛhɔen anaa kwaterekwa anaa amaneɛnwunɛ anaa ngrandɛ?

1 Korintofoɛ 9:6

Anaakyɛ me ne Banaba de, yɛ ngome twe yeɛ onni kyɛ yɛyakyi kyɛ yɛyɔ adwuma yɛnea yɛ nwo ɔ?

2 Korintofoɛ 11:8

Asɔre biemɔ mmokalɛ bɔ bɛfa bɛbokale me ne, mefa ye kyɛ mawua bɛ; ofikyɛ mvale sɔ akatuaa ne neane me nwo nzole ɛmɔ.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

2 Tɛsalonika 3:8

yeɛ yanni ebiala aleɛ bɔ yandua ye kerɛ ɔ. Na mmom yɛyerele yɛ nwo yɛyɔle adwuma eyia ne kɔngɔen, kyɛbɔ ɔkɔyɛ bɔ yɛngɔyɛ ɛmɔ nu biala so tɔsom ɔ.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

1 Petro 2:23

Bɛpepɛle ye nzoaa nen, wangakyi wamma bɛ; mmerɛ bɔ né onwu amaneɛ nen, wannwunanwuna; na mmom ɔfale ye nwo wurale bɔ obua ndɛen turoloo ne sa.

1 Petro 3:14

Nakoso sɛ tenenee ti ɛmɔnwu amaneɛ a, ɔte saleɛ ma ɛmɔ. Nnɛmɔma bɛ nwo suronyi tɔ ɛmɔ so, yeɛ nnɛmɔma ɛmɔ kunu tete ɛmɔ;

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

1 Petro 4:19

Yiti bɛ bɔ ɔnate Nyameɛ apɛdeɛ ti benwu amaneɛ ne, maa bɛfa bɛ kra bewura Ɛdangama bɔ ɔte nahorɛniɛ ne sa, ná bɛhɔ so bɛyɔ bɔ ɔte paa ɔ.

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”