1 Korintofoɛ 4:10 - AHYERƐLƐ KRONGRON

¹⁰ Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

1 Korintofoɛ 4:10 Iomraidhean Croise

2 Ahemvo 9:11

Yehu sa wale ye mene ye safohene nemɔ anwo berɛ ne, bebisale ye kyɛ, “Nikyee biala te bɔkɔɔ de? Nzu ati yeɛ akoaa bɔnamvoɛ ne wale wɔ berɛ ɔ?” Yehu buale bɛ kyɛ, “Naa ɛmɔse sɔ biaa ne, ɔne kyɛbɔ osi kekã ye dwirɛ ɔ.”

Anyandera 11:12

Sona bɔ obu obiɛngo animtia ne, né adwene nne ye ti anu, nakoso sona bɔ ɔse nworɛ ne de, ɔndɛ ye noa nu.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Luka 18:9

Na ebiemɔ bɔ bɛfa bɛ nwo bɛto bɛ bɔbɔ bɛ nwo so kyɛ bɛtengyɛ, ná bebu bɛ mmango animtia ne, obuli bɛ anyandera he:

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 17:32

Na mmerɛ bɔ bɛtele awufoɛ etingyelɛ nwo dwirɛ nen, bɛ nu biemɔ serele Pɔɔlo; na ebiemɔ koso hane kyɛ, “Yɛkuro kyɛ esa si dwirɛ he aso bieku mmerɛ foforɛ.”

Asomafoɛ 26:24

Na Pɔɔlo wɔ so bɔ ɔye ye noa nen, Festo teane ye kyɛ, “Pɔɔlo, w’adwene nyɛ adwuma! Wɔ nwomaa sualɛ pembe ne abɔ afa wɔ ti anu!”

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

1 Korintofoɛ 1:23

Nakoso yɛ de, yɛbɔ Kristo bɔ bɛbɔle ye mmeamudua nu ne nwo dawure. Ɛhe te sundidua ma Yudafoɛ, yeɛ ɔte ngwaseasɛm ma Helafoɛ.

1 Korintofoɛ 1:25

Ɔnate kyɛ Nyameɛ nhyehyɛleɛ bɔ bebu ye ngwaseasɛm ne, nworɛ wɔ nu tra adasammaa nworɛ; yeɛ bɔ bebu ye kyɛ ɔte Nyameɛ mmerɛyɛlɛ nen, anwoserɛ wɔ nu tra adasammaa anwoserɛ.

1 Korintofoɛ 10:12

Yiti ma ebiala bɔ ɔdwene kyɛ ogyi berɛ ne ɔ́nea yé ná wamvi ase.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Korintofoɛ 2:3

Na mvale anwobrɛaseɛ ne esuronyi ne anwopopolɛ yeɛ me ne ɛmɔ yɛtenane ɔ.

1 Korintofoɛ 3:18

Nnɛma ebiala lakalaka ye nwo. Sɛ ɛmɔ nu bie dwene kyɛ ɔse wiase nworɛ a, maa ɔyɛ kwaseaa ná wanwu nworɛ.

1 Korintofoɛ 3:2

Nyɔfonesue yeɛ mva maa ɛmɔnone ɔ; na mamma ɛmɔ aleɛ bɔ nu yɛ se ɔ, ɔnate kyɛ né ɛmɔnnya beddwuli kyɛ bedi aleɛ bɔ nu yɛ se ɔ. Na kekesaala ye po, ɛmɔnnya beddwuli.

1 Korintofoɛ 4:8

Nna ɛmɔ ɔ! Ɛmɔ sa ahã bɔ ɛmɔpena ɔ dada! Ɛmɔanya bɛ nwo bayie. Ɛmɔakwati yɛ bayɛ bɛ nwo ahemvo! Me kunu a, ahaa ɛmɔte ahemvo amba, amaa yɛne ɛmɔ abɔ nu yali hene.

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

2 Korintofoɛ 11:19

Ɛmɔle ngwaseafoɛ nwo aboterɛ, ofikyɛ ɛmɔte nworɛfoɛ.

2 Korintofoɛ 11:29

Nwa yeɛ ɔyɛ mmerɛ a, ná me wora nnyɛle mmerɛ ɔ? Nwa yeɛ bɛmaa ɔkɔ bɔne nu a memvɛ yaa ɔ?

2 Korintofoɛ 13:9

Na sɛ yɛyɛ mmerɛ, na ɛmɔ de ɛmɔyɛ se a, né yɛ nye agye; na yɛ mbaeɛ ole kyɛ ɛmɔkoli mu ɔ.

2 Korintofoɛ 4:12

Yiti ewue li yɛ mvanvando, nakoso ɛmɔ de ngoa wɔ ɛmɔ nu.

2 Korintofoɛ 6:8

Bedi yɛ ni ná basa bagua yɛ nyunu ase, bɛkã yɛ nwo dwirɛ tɛɛ ná basa baye yɛ ayɛ; yɛkã nahorɛ nakoso bɛnwa yɛte nnakannaka,

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Petro 4:14

Na sɛ ɔnate Kristo dumaa ti bɛbɔ ɛmɔ alapaa a, ɔte saleɛ ma ɛmɔ; ofikyɛ animnyam sunzum, Nyameɛ sunzum ne, ɔwɔ ɛmɔ so.