1 Korintofoɛ 3:9 - AHYERƐLƐ KRONGRON

⁹ Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

1 Korintofoɛ 3:9 Iomraidhean Croise

Edwein 118:22

Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.

Edwein 72:16

Ma aleɛ obu so wɔ aseɛ ne aso, maa aleɛ ɔhye wɔ mmokaa nemɔ aso po, ma ye aleɛ ɔyɛ kyɛ Lebanon; na ma mmenia benyi frɔmfrɔm wɔ nguro nemɔ aso kyɛ aseɛ so ndire.

Anyandera 9:1

Nworɛ asi ye sua, wase ye bonima nzoo nemɔ.

Yesaya 32:20

ɛmɔ bɔ ɛmɔdua nningyein wɔ nzue mukoraa nwo ne, ɛmɔkonya saleɛ, ɛmɔ bɔ ɛmɔyakyi nandwie ne afunum mɔ maa bɛ bɔbɔ bɛkɔ adidie ne.

Yesaya 61:11

Na kyɛbɔ aseɛ ma ndire fifi wɔ so, ná turo koso ma bɔ balua ye wɔ nu fifi ne, sɔ ala yeɛ AWURADE Nyameɛ kɔma tenenee ne ayɛyelɛ kofifi wɔ maen maen amukoraa nyunu ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 61:5

Ɛwɔfoɛ mɔ kogyina kɔnea ɛmɔ mmoaen so, amanvrafoɛ kɔyɛ ɛmɔ apaafoɛ ne bobe boo so neafoɛ,

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Mateo 15:13

Na obuale kyɛ, “Bakaa biala bɔ nna me Baba bɔ ɔwɔ nyameɛso ne yeɛ oluale nen, bekotutu ye bo.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 9:37

Yeɛ osele ye asuafoɛ nemɔ kyɛ, “Nnɔbaeɛtelɛ adwuma ne sone, nakoso adwumayɔlɛfoɛ nemɔ bɛte kãa.

Marko 16:20

Na bɛ de, bɛhɔle bɛɛhane nzɛmba ne nekaa biala, na Awurade fale bɛ yɔle adwuma, na ɔfale nzɛngyerɛnneɛ bɔ ɔboka so ne aso ɔfoale edwirɛ ne aso. Amen.]

Asomafoɛ 4:11

Na ɛhe ole ‘Nyɔboɛ bɔ ɛmɔ suasilɛfoɛ apo ye, nakoso waayɛ ndweasoɛ nyɔboɛ titire ɔ.’

1 Korintofoɛ 3:16

Aso ɛmɔnze kyɛ ɛmɔte Nyameɛ asɔneyɛɛ sua na Nyameɛ Sunzum te ɛmɔ nu ɔ?

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

1 Korintofoɛ 6:19

Anaa ɛmɔnze kyɛ ɛmɔ nipadua ne te Sunzum Krongron bɔ Nyameɛ afa ama ɛmɔ, bɔ ɔwɔ ɛmɔ nu n’asɔneyɛɛ sua ɔ, na ɛmɔ bɔbɔ ɛmɔlle bɛ nwo ɔ?

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Kolosefoɛ 2:7

Ɛmɔtira ndii wɔ ye nu, ná ɛ́mɔnea ye so bɛbɔ bɛ bra, ná ɛ́mɔtindim wɔ gyidie nu kyɛbɔ behyirehyirele ɛmɔ ne, ná ɛ́mɔla Nyameɛ ase daa.

1 Timoteo 3:15

amaa sɛ ɔba kyɛ mekyɛ ná mmmale a, anwu kyɛbɔ ɔsɛ kyɛ ɛbɔ wɔ bra wɔ Nyameɛ awuro, bɔ ɔte Nyameɛ teasefoɛ n’asɔre, nahorɛ nyinasoɛ ne fapem ne anu.

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

3 Yohane 1:8

Yiti ɔsɛ kyɛ yɛboka sɔ mmenia nemɔ, amaa yɛ ne bɛ yayɛ aliɛmaa adwumayɔlɛfoɛ wɔ nahorɛ ne anu.