1 Korintofoɛ 3:6 - AHYERƐLƐ KRONGRON

⁶ Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

1 Korintofoɛ 3:6 Iomraidhean Croise

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Edwein 62:11

Nyameɛ dwudwole komapɛ, na mate ye pɛen nyɔ so kyɛ, Tumi te Nyameɛ deɛ’.

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Yesaya 61:11

Na kyɛbɔ aseɛ ma ndire fifi wɔ so, ná turo koso ma bɔ balua ye wɔ nu fifi ne, sɔ ala yeɛ AWURADE Nyameɛ kɔma tenenee ne ayɛyelɛ kofifi wɔ maen maen amukoraa nyunu ɔ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 18:24

Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 21:19

Pɔɔlo bisale bɛ ahye, na ɔhane nikyee bɔ Nyameɛ nate ye (Pɔɔlo) asɛmbatrɛ adwuma ne aso wayɔ wɔ Amaenmaensofoɛ nu ngoko ngoko hyirele bɛ.

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

1 Korintofoɛ 1:12

Mekyire kyɛ, asora bɔ ɛmɔ nu biala kã ye deɛ fa ɔ. Ebie nwa, “Me de, nwɔ Pɔɔlo bue nu”, ebie wora nwa, “Me de, nwɔ Apolo bue nu”, ebie koso nwa, “Me de, nwɔ Kefa bue nu”, yeɛ ebie koso nwa, “Me de, nwɔ Kristo bue nu.”

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 3:22

Pɔɔlo oo, Apolo oo, Kefa oo, ewiase oo, ngoa oo, ewue oo, ɛnɛ deɛ oo, anaa kyẽa bie deɛ oo, bɛ mukoraa bɛte ɛmɔ deɛ,

1 Korintofoɛ 3:7

Yiti bɔ oluale ne, ɔne bɔ oguaguale so nzue ne, bɛ de bɛtte huu; na mmom Nyameɛ bɔ ɔmaa onyini ne yeɛ ɔte piri ɔ.

1 Korintofoɛ 9:1

Me bɔbɔ nnne me nwo hɔ ɔ? Aso nnde somafoɛ anaa? Nnwuni y’Awurade Yesu Kristo hɔ ɔ? Nna me sa noa adwuma wɔ Awurade nu ole ɛmɔ hɔ ɔ?

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.