1 Korintofoɛ 3:5 - AHYERƐLƐ KRONGRON

⁵ Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

1 Korintofoɛ 3:5 Iomraidhean Croise

Mateo 25:15

Na ɔmane ko talɛnde nnu, ɔmane ko wora talɛnde nyɔ, yeɛ ko wora ɔmane ye talɛnde ko; kyɛbɔ bɛ nu biala ye mmɔdenbɔlɛ osi te ɔ, na afei otuli atee ne.

Luka 1:2

kyɛbɔ bɛ bɔ ofi ye bohyɛlɛ ne bɛfale bɛ nye benwuni ye, bɔ bɛte edwirɛ ne nwo asomvoɛ ne bamaa yɛ sa ahã ye ne ala.

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Asomafoɛ 18:24

Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 16:12

Ɔfa aliɛmaa Apolo nwo de, mahyɛ ye nguraen pee kyɛ ɔne aliɛmaa nemɔ bɛɛpasa ɛmɔ nwo, nakoso onnya ɔyyɛle ye adwene kyɛ ɔkɔwa kekesaala ye; na sɛ atee ba nu a, ɔkɔwa.

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 3:22

Pɔɔlo oo, Apolo oo, Kefa oo, ewiase oo, ngoa oo, ewue oo, ɛnɛ deɛ oo, anaa kyẽa bie deɛ oo, bɛ mukoraa bɛte ɛmɔ deɛ,

1 Korintofoɛ 3:7

Yiti bɔ oluale ne, ɔne bɔ oguaguale so nzue ne, bɛ de bɛtte huu; na mmom Nyameɛ bɔ ɔmaa onyini ne yeɛ ɔte piri ɔ.

1 Korintofoɛ 9:17

Sɛ me bɔbɔ me pɛ yeɛ mefa mekã nzɛmba ne a, ye po mefata akatuaa, nakoso sɛ nna me bɔbɔ me pɛ yeɛ mefa mekã hɔ a, nzaade bɔ bafa bawura me sa ne ala yeɛ meyɔ ne.

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

2 Korintofoɛ 3:3

na ɔda ali pefee kyɛ ɛmɔte Kristo krataa bɔ ɔnate yɛ dwumadie so wahyerɛ ɔ. Wamva ayirebire, na mmom ɔfale Nyameɛ teasefoɛ Sunzum yeɛ ɔhyerɛle ɔ. Nna nyɔboɛ poen so, na mmom sona ahone poen so yeɛ ɔhyerɛle ɔ.

2 Korintofoɛ 3:6

Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

2 Korintofoɛ 5:18

Nyameɛ yeɛ wayɔ ɛhe amukoraa ɔ. Ɔnate Yesu Kristo so wafa yɛ wabata ye nwo, na wafa ngabonu he nwo dwumadie wawura yɛ sa:

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

2 Korintofoɛ 6:4

Na mmom yɛye yɛ nwo ali yekyire kyɛ yɛte Nyameɛ asomvoɛ wɔ atee biala so: wɔ aboterɛ pee nu, amaneɛ nu, anwokyere nu, ateetee nu;

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:25

Ɔnate ɛmɔ ti Nyameɛ afa sɔ adwuma ye wawura me sa, na wamaa mayɛ somvoɛ mama asɔre ne, kyɛ mmɔ Nyameɛ dwirɛ ne dawure ma ebiala te,

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

1 Petro 4:10

Na kyɛbɔ ɛmɔ nu biala wanya adom akyɛdeɛ ne, ɛ́mɔfa bɛ́so ɛmɔ nwo ɛmɔ nwo, kyɛ Nyameɛ adom ahoroɔ ne nwo neafoɛ paa mɔ.