1 Korintofoɛ 3:3 - AHYERƐLƐ KRONGRON

³ Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

1 Korintofoɛ 3:3 Iomraidhean Croise

Hosea 6:7

Na mmom babu apam ne aso kyɛ Adam ala, berɛ yeɛ banni nahorɛ bamma me ɔ.

Romanfoɛ 13:13

Ɛ́mɔma yɛbɔ bra paa bɔ ɔfata alehyeleɛ ɔ, na nna kyɛ anigye mmorosoɛ ne nzaabolɛ nu, nna adwamanbɔlɛ ne ahohwie nu, ngondii ne anyeboroborolɛ nu.

1 Korintofoɛ 1:10

Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

1 Korintofoɛ 1:11

Nniɛma mɔ, Kloe awuro ama mɔ baatia me gya so kyɛ ɛmɔ afia nwo koraa.

1 Korintofoɛ 11:18

Bɔ oli moa ɔ, sɛ ɛmɔyia nu kyɛ asɔre a, mete kyɛ mbakyembakyemuɛ ba ɛmɔ nu, na mede medi kyɛ bɛ nu bie te nahorɛ.

1 Korintofoɛ 3:4

Sɛ ɛmɔ nu ko kã kyɛ, “Me de nwɔ Pɔɔlo bue nu” ná ko kã kyɛ, “Me de nwɔ Apolo bue nu” a, aso nna kuro sona yɔleɛ yeɛ ɛmɔyɔ ye?

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 5:15

Nakoso sɛ ɛmɔkeka ná ɛmɔpurapura ɛmɔ nwo de a, ɛ́mɔnea yé ná ɛmɔangukũ ɛmɔ nwo.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Yakobo 3:16

Ofikyɛ nekaa bɔ anyeboroborolɛ ne pɛsɛmangomenya wɔ ne, berɛ yeɛ basabasa ne bɔne yɔleɛ amukoraa wɔ ɔ.

1 Petro 4:2

na anwoɔnaen nu asetena mmerɛ bɔ waha ne, ɔndena ase mma sona akɔnnɔ ko, na mmom ɔtena ase ma Nyameɛ apɛdeɛ.