1 Korintofoɛ 3:18 - AHYERƐLƐ KRONGRON

¹⁸ Nnɛma ebiala lakalaka ye nwo. Sɛ ɛmɔ nu bie dwene kyɛ ɔse wiase nworɛ a, maa ɔyɛ kwaseaa ná wanwu nworɛ.

1 Korintofoɛ 3:18 Iomraidhean Croise

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Anyandera 3:5

Fa wɔ wora amukoraa wura AWURADE nu, na nnɛfa wɔ nwo to wɔ bɔbɔ wɔ nworɛ so.

Anyandera 3:7

Nnɛbu wɔ nwo nworɛniɛ, suro AWURADE, ná twe wɔ nwo fi bɔne nwo.

Anyandera 5:7

Afei, me mma mɔ, ɛ́mɔtie me, nnɛma ɛmɔyakyi me noa dwirɛ so lilɛ.

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Yesaya 5:21

Bɛ yaakɔ! Bɛ bɔ bɛdwene kyɛ bɛte nworɛfoɛ, ná bɛdwene kyɛ bɛte badwemma ɔ!

Yeremia 37:9

AWURADE nwa nyoo: Nnɛma ɛmɔlakalaka ɛmɔ nwo bɛkã kyɛ, “Kaldeafoɛ nemɔ bekofi yɛ nwo wa bɛkɔhɔ,” ofikyɛ bengofi wa bɛngɔhɔ.

Yeremia 8:8

Nzu ati yeɛ ɛmɔkã kyɛ, ‘Yɛse nworɛ, na AWURADE mmeraa ne, yɛ berɛ yeɛ ɔwɔ ɔ’? Nakoso tie, nahorɛ nu, ngondombo bɔ ahyerɛlɛfoɛ nemɔ bahyerɛ ne, wakakyi edwirɛ ne maa wayɛ anoanu.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 18:4

Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Marko 10:15

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Luka 18:17

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Luka 21:8

Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

1 Korintofoɛ 15:33

Nnɛmɔma bɛlakalaka ɛmɔ, na “abiɛngoɛ tɛɛ sɛkye bra paa.”

1 Korintofoɛ 3:17

Yiti sɛ ebie sɛkye Nyameɛ asɔneyɛɛ sua a, Nyameɛ koso kɔsɛkye ye, ofikyɛ Nyameɛ asɔneyɛɛ sua te krongron, na ɛmɔ ole ye Asɔneyɛɛ sua ne.

1 Korintofoɛ 4:10

Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

Galatiafoɛ 6:3

Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

Galatiafoɛ 6:7

Nnɛma ɛmɔlakalaka bɛ nwo, na bɛgoro Nyameɛ nwo. Ofikyɛ bɔ sona dua ne ala yeɛ okobu ɔ.

Ɛfesofoɛ 5:6

Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Yakobo 1:22

Ɛ́mɔyɔ bɔ edwirɛ ne kã ne, na nnɛma ɛmɔyɛ atiefoɛ ngome bɛfa bɛlakalaka ɛmɔ nwo.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

1 Yohane 1:8

Sɛ yɛkã kyɛ yɛnyɔ bɔne a, né yɛlakalaka yɛ nwo, na né nahorɛ ne ɔnne yɛ nu.