1 Korintofoɛ 3:16 - AHYERƐLƐ KRONGRON

¹⁶ Aso ɛmɔnze kyɛ ɛmɔte Nyameɛ asɔneyɛɛ sua na Nyameɛ Sunzum te ɛmɔ nu ɔ?

1 Korintofoɛ 3:16 Iomraidhean Croise

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Yohane 14:17

bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.

Romanfoɛ 6:16

Ɛmɔnze kyɛ sona bɔ ɛmɔyɛ sotie bɛma ye ne, sɔ sona ne yeɛ ɛmɔte ye ngoaa ɔ, ɛmɔte ngoaa bɛma sona bɔ ɛmɔyɛ sotie bɛma ye ɔ, kyɛ bɔne bɔ ɔfa wɔ kɔ ewue nu oo, anaakyɛ sotie bɔ ɔfa wɔ kɔ tenenee nu oo?

Romanfoɛ 6:3

Anaa ɛmɔnze kyɛ yɛ bɔ bɛbɔle yɛ asu wɔ Kristo Yesu nu ne, bɛbɔle yɛ asu bɛhɔle ye wue nu ɔ?

Romanfoɛ 8:11

Na sɛ ye bɔ otingyele Yesu fili awufoɛ nu ne ye Sunzum te ɛmɔ nu a, ye bɔ otingyele Kristo Yesu fili awufoɛ nu ne, ɔkɔma ɛmɔ nipadua bɔ owu ne ngoa, na ɔkɔfa ye Sunzum bɔ ɔte ɛmɔ nu ne aso yeɛ ɔkɔyɔ sɔ ɔ.

Romanfoɛ 8:9

Ɛmɔ de, ɛmɔnni anwoɔnaen nhyehyɛleɛ so, na mmom Sunzum nhyehyɛleɛ so, ofikyɛ Nyameɛ Sunzum te ɛmɔ nu. Na ebiala bɔ olle Kristo Sunzum ne, ɔtte Kristo deɛ.

1 Korintofoɛ 3:17

Yiti sɛ ebie sɛkye Nyameɛ asɔneyɛɛ sua a, Nyameɛ koso kɔsɛkye ye, ofikyɛ Nyameɛ asɔneyɛɛ sua te krongron, na ɛmɔ ole ye Asɔneyɛɛ sua ne.

1 Korintofoɛ 3:9

Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

1 Korintofoɛ 6:16

Gyamea ɛmɔnze kyɛ sona bɔ ɔkɔfa ye nwo kɔha adwamanbɔlɛniɛ ne, né ɔne ye bayɛ anwoɔnaen ko hɔ ɔ? Ofikyɛ Ahyerɛlɛ ne nwa, “Bɛ munyɔ bɛkɔyɛ anwoɔnaen ko.”

1 Korintofoɛ 6:19

Anaa ɛmɔnze kyɛ ɛmɔ nipadua ne te Sunzum Krongron bɔ Nyameɛ afa ama ɛmɔ, bɔ ɔwɔ ɛmɔ nu n’asɔneyɛɛ sua ɔ, na ɛmɔ bɔbɔ ɛmɔlle bɛ nwo ɔ?

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

1 Korintofoɛ 9:24

Ɛmɔnze kyɛ amirikatulɛfoɛ betu amirika a, ebiala pere kyɛ okoli ngonim ɔ, nakoso bɛ nu ko yeɛ onya ngonim abasobɔdeɛ ne ɔ? Yiti ɔsɛ kyɛ ɛmɔtu amirika ne kyɛ ɛmɔkonya abasobɔdeɛ ne ɔ.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

1 Timoteo 3:15

amaa sɛ ɔba kyɛ mekyɛ ná mmmale a, anwu kyɛbɔ ɔsɛ kyɛ ɛbɔ wɔ bra wɔ Nyameɛ awuro, bɔ ɔte Nyameɛ teasefoɛ n’asɔre, nahorɛ nyinasoɛ ne fapem ne anu.

2 Timoteo 1:14

Nahorɛ ne bɔ bafa bawura wɔ sa ne, fa Sunzum Krongron bɔ ɔte yɛ nu ne aso nea so yé.

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.