1 Korintofoɛ 3:12 - AHYERƐLƐ KRONGRON

¹² Na sɛ ebie fa sikaa kɔkorɛ, ɛdwetɛ, nyɔbosanyene, bakaa, ndondonyi anaa ɛserɛ toa fapem ne aso a,

1 Korintofoɛ 3:12 Iomraidhean Croise

Edwein 119:72

Wɔ noa nu mmeraa te paa ma me tra esikaa kɔkorɛ ne ɛdwetɛ apee apee.

Edwein 19:10

Nhyehyɛleɛ ne di mu tra esikaa kɔkorɛ, ɔtra esikaa kɔkorɛ paa po. Ɔte menemene tra woɛ, na ɔtra woɛ bɔ ofi nzasameɛ nu ɔpepe ɔ.

Ɛksadɔso 5:12

Yiti mmenia ne tele bɛ nwo guale Misraim aseɛ so amukoraa bɛɛboaboale atokoɔ mmakaa wuruwaa noa bɛfa bɛkakyili ɛserɛ.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Anyandera 30:6

Nnɛfa edwirɛ biala boka ye noa dwirɛ ne aso, ɔba ye sɔ a, okohwi wɔ nyunu maa bekonwu kyɛ ɛte anoanu.

Anyandera 8:10

Ɛ́mɔfa me foɛtulɛ ne, na nnɛma ɛmɔfa ɛdwetɛ, ɛ́mɔfa nimdeɛ, na nnɛma ɛmɔfa sikaa kɔkorɛ paa;

Yesaya 60:17

“Ngɔfa sikaa kɔkorɛ mmom ngoosi kɔɔbere gya nu, ngɔfa ɛdwetɛ mmom ngoosi buralɛ gya nu, ná kɔɔbere mmom waasi bakaa gya nu, ná buralɛ mmom waasi nyɔboɛ gya nu. Ngɔma asomdwee kɔyɛ wɔ so panyi kɔnea wɔ so, ná mama tenenee ayɛ wɔ mene.

Yeremia 23:28

Ngɔmhyɛlɛniɛ bɔ wahye laleɛ ne, odi kyɛ ɔfa laleɛ ne to dwaa, na bɔ mafa me dwirɛ matua ye noa ne koso, odi kyɛ ɔkã me dwirɛ ne nahorɛ nu. Nzikyɛ ngitahoɛ yeɛ ɔla afafu ne atokoɔ b’afia ɔ? AWURADE noa dwirɛ ɛne.

Asomafoɛ 20:30

Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si.

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

1 Korintofoɛ 3:11

Ofikyɛ Yesu Kristo ole fapem bɔ bali moa bato ye dada ne, na ebiala ngora ndo fapem foforɛ ko.

1 Korintofoɛ 3:13

ebiala adwuma kɔye ye nwo ali. Ndɛenbualɛ kyẽa ne kɔmaa ɔkɔla ali, ofikyɛ see kɔma ebiala adwuma kɔla ali, na see ne koso ebiala adwuma bɔ wayɔ ɔ kɔnea.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

1 Timoteo 6:3

Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

2 Timoteo 2:20

Nna esikaa kɔkorɛ ne ɛdwetɛ nningyein ngome yeɛ bɛwɔ awuro piri nu ɔ, na mmom mmakaa ne ɛfaa deɛ koso wɔ nu bie. Bɛfa anidie bɛma bɛ nu biemɔ, yeɛ ebiemɔ de bɛmva anidie bɛmma bɛ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Timoteo 3:7

mmrasua bɔ bekuro kyɛ daa besua nikye, nakoso bɛngɔhora bengonwu nahorɛ ne le ɔ.

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 21:18

Bɛfale nyɔboɛ bɔ bɛfrɛ ye yasepa yeɛ bɛtole ye fasue ne ɔ, na kuro ne bɔbɔ deinn de ɔte sikaa kɔkorɛ paa, bɔ ye nye te kaenn kyɛ neanu ɔ.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.