1 Korintofoɛ 3:10 - AHYERƐLƐ KRONGRON

¹⁰ Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 3:10 Iomraidhean Croise

2 Aberɛso Dwirɛ 2:12

Huram toale so sele kyɛ, “AWURADE Yisrael Nyameɛ bɔ ɔbɔle anwuro ne aseɛ ne, animnyam hã ye. Ye yeɛ waye baa nworɛniɛ bɔ ole adwene ne ndeaseɛ wama Nana Dawide kyɛ osi asɔneyɛɛ sua ma AWURADE, ná osi ahemvie ɔtena nu ɔ.

Ɛksadɔso 36:4

Ye sɔ ne ati, adwiililɛfoɛ amukoraa bɔ né bɛ́yɔ nekaa krongron ne anwo adwuma ne, ebiala yakyili ye adwuma tole berɛ,

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Anyandera 9:1

Nworɛ asi ye sua, wase ye bonima nzoo nemɔ.

Nworɛ Dwirɛhanɛniɛ 12:9

Nworɛ Dwirɛhanɛniɛ ne, nna nworɛ angome yeɛ ɔse ɔ, na mmom ohyirehyirele mmenia nimdeɛ bokale so. Otiele anyandera pee, ɔpɛnzɛpɛnzɛle nu, na obuli anyandera pee.

Daniel 12:3

Bɛ bɔ bɛte mmadwemma ne, bɛkɔta kyɛbɔ ewienu ta ɔ; yeɛ bɛ bɔ behyirehyirele mmeni pee maa bɛfale tenenee atee so ne, bɛ wora bɛkɔta kyɛ nzramaa afebɔɔ.

Sakaria 4:9

“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Mateo 7:24

“Yiti ebiala bɔ ɔte me dwirɛ he ná odi so nen, ngɔfa ye ngɔtoto nworɛniɛ bie bɔ osili ye sua wɔ nyɔbotaen so ɔ nwo.

Luka 11:35

Yiti nea yé né kanea bɔ ɔwɔ wɔ nu ne wangakyi awosii.

Luka 21:8

Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Asomafoɛ 18:27

Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa.

Romanfoɛ 1:5

bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

Romanfoɛ 15:15

Nakoso atee bie aso de, masi m’ahone mahyerɛ mabrɛ ɛmɔ, kyɛ mefa mebɔ ɛmɔ ngayeɛ; ɔnate adom bɔ Nyameɛ wafa walo me ne ati,

Romanfoɛ 15:20

Ɛhe ati me botaeɛ ole kyɛ ngɔbɔ nzɛmba ne dawure nekaa biala bɔ bennya bɛttele Kristo dumaa le ɔ, amaa ɔnate so mandoa ebie fapem bɔ wato ɔ so,

1 Korintofoɛ 3:11

Ofikyɛ Yesu Kristo ole fapem bɔ bali moa bato ye dada ne, na ebiala ngora ndo fapem foforɛ ko.

1 Korintofoɛ 9:2

Sɛ nnde somafoɛ mma ebiemɔ a, ɛmɔ de, nde somafoɛ ma ɛmɔ, ofikyɛ ɛmɔte me somafoɛyɛlɛ nzɔanoɛ wɔ Awurade nu.

2 Korintofoɛ 10:15

Yɛ de, yɛnhoahoa yɛ nwo ma ɔndra so, yɛmva ebiemɔ adwuma bɔ bayɔ yɛnhoahoa yɛ nwo. Na mmom yɛle anyelasoɛ kyɛ, sɛ ɛmɔ gyidie nyi a, ɔkɔma dwumadie bɔ Nyameɛ afa awura yɛ sa wɔ ɛmɔ berɛ ne kɔtrɛ,

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Kolosefoɛ 4:17

Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

2 Timoteo 2:15

Bɔ mmɔden paa kyɛ ɛkɔsɔ Nyameɛ nye, kyɛ adwumayɔlɛniɛ bɔ ye adwuma nwo nyɛ ye nya ɔ, kyɛ sona bɔ okyirekyire nahorɛ dwirɛ ne pɛpɛɛpɛ ɔ.

Yakobo 3:1

Aliɛmaa mɔ, nnɛmɔma ɛmɔ nu somaa yɛ akyerɛkyerɛfoɛ, na ɛmɔse kyɛ bekobua yɛ foɛ piri mmom.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

2 Petro 3:15

Ɔsɛ kyɛ ɛmɔnwu Awurade aboterɛ ne kyɛ ɔte ngoalelɛ, kyɛbɔ y’eliɛma dɔfo Pɔɔlo koso nate nworɛ bɔ bafa bama ye ne aso ɔhyerɛ brɛle ɛmɔ ne.

Nyekyire 21:14

Kuro ne, ye fasue ne gyi fapem buru ne nyɔ so, bɔ Boaen Ba n’asomafoɛ buru ne nyɔ nemɔ bɛ dumaa guagua so ɔ.

Nyekyire 21:19

Kuro ne, ye fapem bɔ ye fasue ne gyi so ne, bɛfale nyɔboɛ amukoraa bɔ bɛ nyɔboɛ yɛ se paa yeɛ bɛhyehyɛle ɔ. Fapem bɔ oli moa ne te yasepa, bɔ ɔtɔ so nyɔ ne te safire, bɔ ɔtɔ so nza ne te kyasedon, bɔ ɔtɔ so nna ne te ɛmerade,