1 Korintofoɛ 2:6 - AHYERƐLƐ KRONGRON

⁶ Nakoso nworɛ dwirɛ yeɛ yɛkã yɛkyire bɛ bɔ banyi sunzum nu ɔ. Ɔtte wiase he anu nworɛ, yeɛ ɔtte wiase atumifoɛ deɛ bɔ ɔpɛ nu kɔ ne bie.

1 Korintofoɛ 2:6 Iomraidhean Croise

YOB NWOMAA NE 1:1

Né biaa bie te Yuse aseɛ so. Ye dumaa li Yob. Sɔ biaa ne, né ye bra te sannwuu, na ɔtengyɛ. Ɔte sona bɔ né osuro Nyameɛ ɔ, na ɔhwene ye nwo fili bɔne nwo.

YOB NWOMAA NE 12:19

Opuro asɔfo mɔ bɛ ndaadeɛ, na otu tumifoɛ fi bia so.

YOB NWOMAA NE 12:21

Ɔma mmenia bu atitirefoɛ animtia, na ogoho anwoserɛfoɛ b’abɔsoɛ nu.

Edwein 146:4

Sɛ sona nwomeɛ fi ye nu a, sona sa kɔ ye nnɛterɛ nu; sɔ kyẽa ne ala, ye nhyehyɛleɛ ye bo pɛ.

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Edwein 37:37

Hyɛ sona bɔ ye bra te sannwuu ɔ nzorɛ, ná nea teneneeniɛ, ofikyɛ sɔ sona ne, ye ayieleɛ te asomdwee.

Yesaya 40:23

Ye yeɛ ɔbrɛ atitirefoɛ ase maa bɛyɛ mmenia mbaen ɔ, na ɔma aseɛ so maenbulɛfoɛ bɛkakyi kwahweabaa mɔ.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

1 Korintofoɛ 1:28

na ewiase nningyein bɔ ye nwo olle mvasoɛ, ɔne bɔ bemmu ye ne yeɛ Nyameɛ waneanea nu waye ɔ, yeɛ nningyein bɔ ɔnne berɛ ɔ, kyɛ ɔfa sɛkye bɔ ewiase bu ye kyɛ ye nwo hia ne,

1 Korintofoɛ 12:8

Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 2:1

Aliɛmaa mɔ, mmale ɛmɔ berɛ kyɛ mebaali Nyameɛ dwirɛ ne nwo adanzeɛ mekyire ɛmɔ ne, mamma kyɛ sona bɔ ye noa ate anaakyɛ ɔse nworɛ ɔ.

1 Korintofoɛ 2:13

Bɔ yɛkã ne, yɛmva kuro sona nworɛ yeɛ yɛfa yɛkyirekyire ɔ, na mmom bɔ Sunzum Krongron ne okyirekyire ɔ; na yɛfa sunzum nu nningyein yɛtoto sunzum nu nningyein nwo.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

1 Korintofoɛ 3:1

Aliɛmaa mɔ, mangora me ne ɛmɔ andwudwo kyɛ mmenia bɔ Nyameɛ Sunzum ne ayi bɛ tɛkyɛ ɔ, na mmom kyɛ anwoɔnaenufoɛ bɔ bɛte nnɔma wɔ Kristo nu ɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

2 Korintofoɛ 4:3

Na sɛ yɛ nzɛmba ne aso akata a, so akata ama bɛ bɔ bɛwɔ so bemini ne.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

Hebrifoɛ 5:14

Nakoso bɛ bɔ banyi (sunzum nu) ne de, aleɛ bɔ nu yɛ no yeɛ ɔfata bɛ ɔ, ofikyɛ basua banwu ye, na bɛkora benwu nzonzoleɛ bɔ ɔwɔ paa ne tɛɛ nu ɔ.

Hebrifoɛ 6:1

Yiti ɛ́mɔma yɛyakyi Kristo nwo ngwadaa ngwadaa ngyerɛkyerɛ ne, ná yɛfa yɛ ti yɛwura mbanyi nikyeesualɛ nu. Ɔnzɛ kyɛ yɛkɔhyɛ ye bo bieku yɛpena yɔleɛ basabasa nwo adwenesakyera ne Nyameɛ nu gyidie ko;

Yakobo 3:15

Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.