1 Korintofoɛ 2:4 - AHYERƐLƐ KRONGRON

⁴ Mamva sona nworɛ ne tetateta yeɛ ngane me dwirɛ ná nyɔle me ngyerɛkyerɛ ɔ; na mmom mvale Sunzum ne ɔne tumi yeɛ nyɔle adwuma ɔ,

1 Korintofoɛ 2:4 Iomraidhean Croise

Anyandera 20:19

Sona bɔ okyinikyini di nzekure ne, ɔma ye noa yɛ kurokuro wɔ edwirɛ bɔ bɛfeafea so ɔ nwo, yiti nnɛfa wɔ nwo bɔ sona bɔ ye noa te kurokuro ɔ.

Anyandera 7:21

Ɔfale ye noa dwirɛ menemene pee tole ye mmralɛ, ɔfale ye noa dwirɛ menemene ne nyane ye.

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Hesekiel 13:6

Bɛ noa dwirɛ te nnakannaka, yeɛ bɛhyɛ ngondombo ngɔm. Bɛnwa: ‘AWURADE nwa nyoo,’ wɔ aberɛ bɔ nna AWURADE yeɛ wasoma bɛ ɔ; nakoso bɛ nye la so kyɛ AWURADE kɔma bɛ dwirɛ ne kɔwa nu ɔ.

Asomafoɛ 20:27

ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ.

Asomafoɛ 26:28

Na Agripa sele Pɔɔlo kyɛ, “Ɔhale kãa ná ɛmaa nyɛle Kristoniɛ!”

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

1 Korintofoɛ 1:17

Ofikyɛ Kristo anzoma me kyɛ mmamɔ asu, na mmom ɔsomane me kyɛ mmanga nzɛmba ne, bɔ memva kuro sona nworɛ yeɛ mekã ɔ, amaa Kristo mmeamudua ne wanyɛ mbaen.

1 Korintofoɛ 2:1

Aliɛmaa mɔ, mmale ɛmɔ berɛ kyɛ mebaali Nyameɛ dwirɛ ne nwo adanzeɛ mekyire ɛmɔ ne, mamma kyɛ sona bɔ ye noa ate anaakyɛ ɔse nworɛ ɔ.

1 Korintofoɛ 2:13

Bɔ yɛkã ne, yɛmva kuro sona nworɛ yeɛ yɛfa yɛkyirekyire ɔ, na mmom bɔ Sunzum Krongron ne okyirekyire ɔ; na yɛfa sunzum nu nningyein yɛtoto sunzum nu nningyein nwo.

1 Korintofoɛ 4:20

Ofikyɛ Nyameɛ ahennie ne oggyi edwudwolɛ mbaen so, na mmom ogyi tumi so.

2 Korintofoɛ 6:6

anwotelɛ bra nu, nimdeɛ nu, animia nu, paayɛlɛ nu, Sunzum Krongron nu, ɔdɔ kaenn nu,

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Kolosefoɛ 2:4

Meka ɛhe kyɛbɔ ebie ngɔbobɔ ye noa nu ngɔfa ngɔlakalaka ɛmɔ ɔ.

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

2 Petro 1:16

Amba, edwirɛ bɔ yahã yahyire ɛmɔ yafa y’Awurade Yesu Kristo tumi ne ye walɛ ne anwo ne, yamva kanda ɛhoaatolɛ so, na mmom yɛ bɔbɔ yɛte ye animnyam totohyia bɔ yɛnwuni ye ne nwo adanzefoɛ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Maenbulɛfoɛ 14:15

Ye ɛlɛnna ne aso, besele Samson aye ne kyɛ, “Dɛfɛdɛfɛ ehu maa ohyire yɛ anyandera ne abo. Anyɔ sɔ a, yɛkɔfa see yɛkɔyera wɔ ne wɔ baba awuro. Ɛtole wɔ sa frɛle yɛ wa kyɛ ɛbaafa yɛ to kerɛ nu anaa?”

Maenbulɛfoɛ 16:5

Filistifoɛ mbanyi hɔle braa ne berɛ beesele ye kyɛ, “Dɛfɛdɛfɛ ye ná pena nikye horɛ bɔ ɔmaa ye nwo yɛ se sɔa ne, ɔne atee bɔ yɛkɔfa so yɛkoli ye so ngonim, amaa ɔnate so yafa nyamaa yakyekye ye yabrɛ ye ase. Sɛ ɛyɔ sɔ ma yɛ a, yɛ nu biala kɔma wɔ ɛdwetɛ apee ko ɛyaa ko.”