1 Korintofoɛ 2:15 - AHYERƐLƐ KRONGRON

¹⁵ Sona bɔ Nyameɛ Sunzum wɔ ye nu ne, onwu nikye tɛɛ ne paa mukoraa, na ye de, ebiala ngora mmua ye ndɛen.

1 Korintofoɛ 2:15 Iomraidhean Croise

2 Samuel 14:17

Nana, me mene, w’afaneɛ susuli kyɛ, ‘Wɔ noa dwirɛ kɔma me soa nu kɔtɔ me.’ Ofikyɛ Nana, me mene, ɛte kyɛ Nyameɛ abɔfo, na ɛse paa ne bɔne nu nzonzoleɛ. AWURADE wɔ Nyameɛ ne, ogyina wɔ si.”

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Anyandera 28:5

Bɔnefoɛ nde pɛpɛɛpɛyɛlɛ bo, nakoso bɛ bɔ bɛpena AWURADE si atee ne de, bɛte ye mukoraa bo.

Nworɛ Dwirɛhanɛniɛ 8:5

Sona biala bɔ odi mmeraa so ne, edwirɛ ndo ye, amba, nworɛniɛ adwene ɔse mmerɛ ne ne ndɛenbualɛ ne.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Asomafoɛ 16:3

Né Pɔɔlo kuro kyɛ ɔfa Timoteo boka ye nwo so ɔne ye bɛkɔ, yiti ɔpɛle ye bienzua, ɔnate kyɛ né Yudafoɛ bɔ bɛwɔ porɛ ne anu berɛ mukoraa se kyɛ ye baba te Helaniɛ.

1 Korintofoɛ 14:37

Sɛ ebie bu ye nwo kyɛ ɔte ngɔmhyɛlɛniɛ anaakyɛ ole sunzum nu akyɛdeɛ a, maa ɔte ye bo kyɛ bɔ mekyerɛ mebrɛ ɛmɔ ye te Awurade ahyɛdeɛ.

1 Korintofoɛ 3:1

Aliɛmaa mɔ, mangora me ne ɛmɔ andwudwo kyɛ mmenia bɔ Nyameɛ Sunzum ne ayi bɛ tɛkyɛ ɔ, na mmom kyɛ anwoɔnaenufoɛ bɔ bɛte nnɔma wɔ Kristo nu ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Galatiafoɛ 6:1

Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

Filipifoɛ 1:10

amaa ɛmɔahora banwu nningyein bɔ ɔte paa, ná ɛmɔayɛ mmenia bɔ ɛmɔ bra te sannwuu bɔ ngekalewa biala nne ɛmɔ nwo ɔ, maa waadwu Kristo kyẽa ne,

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

1 Tɛsalonikafoɛ 5:21

na mmom ɔsɛ kyɛ ɛmɔso nningyein amukoraa bɛnea: na bɔ ɔte paa ne, ɛ́mɔsɔ nu yé,

Hebrifoɛ 5:14

Nakoso bɛ bɔ banyi (sunzum nu) ne de, aleɛ bɔ nu yɛ no yeɛ ɔfata bɛ ɔ, ofikyɛ basua banwu ye, na bɛkora benwu nzonzoleɛ bɔ ɔwɔ paa ne tɛɛ nu ɔ.

1 Yohane 2:20

Nakoso ɛmɔ de, Krongronniɛ ne wapopa ɛmɔ ngoo, yiti ɛmɔse nikyee biala.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.