1 Korintofoɛ 2:13 - AHYERƐLƐ KRONGRON

¹³ Bɔ yɛkã ne, yɛmva kuro sona nworɛ yeɛ yɛfa yɛkyirekyire ɔ, na mmom bɔ Sunzum Krongron ne okyirekyire ɔ; na yɛfa sunzum nu nningyein yɛtoto sunzum nu nningyein nwo.

1 Korintofoɛ 2:13 Iomraidhean Croise

Luka 12:12

ɔnate kyɛ Sunzum Krongron ne kohyirehyire ɛmɔ sɔ mmerɛ ne ala nu bɔ odi kyɛ ɛmɔkã ɔ.”

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

1 Korintofoɛ 1:17

Ofikyɛ Kristo anzoma me kyɛ mmamɔ asu, na mmom ɔsomane me kyɛ mmanga nzɛmba ne, bɔ memva kuro sona nworɛ yeɛ mekã ɔ, amaa Kristo mmeamudua ne wanyɛ mbaen.

1 Korintofoɛ 14:2

Ɔnate kyɛ sona bɔ ɔkã edwudwolɛ bɔ ebie nde ye bo ne, ondwudwo ngyire mmenia, na mmom odwudwo kyire Nyameɛ, ofikyɛ ebiala nde ye dwirɛ ne bo; nakoso Sunzum ne nate ye so kã mvealeɛ nu dwirɛ.

1 Korintofoɛ 2:1

Aliɛmaa mɔ, mmale ɛmɔ berɛ kyɛ mebaali Nyameɛ dwirɛ ne nwo adanzeɛ mekyire ɛmɔ ne, mamma kyɛ sona bɔ ye noa ate anaakyɛ ɔse nworɛ ɔ.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Korintofoɛ 2:4

Mamva sona nworɛ ne tetateta yeɛ ngane me dwirɛ ná nyɔle me ngyerɛkyerɛ ɔ; na mmom mvale Sunzum ne ɔne tumi yeɛ nyɔle adwuma ɔ,

1 Korintofoɛ 9:11

Yalua sunzum nu mmaa wɔ ɛmɔ nu, na sɛ ɛmɔboka yɛ wɔ anwoɔnaen nu nningyein nu a, aso né ɛmɔayɔ bɔ ɔtra so anaa?

Ɛfesofoɛ 5:19

Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

2 Petro 1:16

Amba, edwirɛ bɔ yahã yahyire ɛmɔ yafa y’Awurade Yesu Kristo tumi ne ye walɛ ne anwo ne, yamva kanda ɛhoaatolɛ so, na mmom yɛ bɔbɔ yɛte ye animnyam totohyia bɔ yɛnwuni ye ne nwo adanzefoɛ.