1 Korintofoɛ 2:10 - AHYERƐLƐ KRONGRON

¹⁰ Nakoso yɛ yeɛ Nyameɛ nate ye Sunzum so waye wahyire yɛ ɔ. Ofikyɛ Sunzum ne pɛnzɛpɛnzɛ nikyee biala nu, ɔne Nyameɛ mvealeɛ nu nhyehyɛleɛ po.

1 Korintofoɛ 2:10 Iomraidhean Croise

YOB NWOMAA NE 12:22

Obukye mvealeɛ nu dwirɛ bɔ ɔfea awosii nu so, na ɔma awosii kabii kakyi hyireinn.

Yesaya 48:16

Ɛmɔhwe bepingye me, ɛ́mɔtie sɔ dwirɛ he: Ofi ahyɛaseɛ ne, nndwudwole mvealeɛ nu, ofi mmerɛ bɔ osili ne, né nwɔ berɛ.” Na afei de, AWURADE Nyameɛ ɔne ye Sunzum basoma me.

Yesaya 59:21

“Na me de, m’apam bɔ me ne bɛ yayɛ hɔ ɛne, AWURADE noa dwirɛ ɛne: Me sunzum bɔ ɔwɔ wɔ so, yeɛ me dwirɛ bɔ mafa matua wɔ noa ne, ɛngɔyakyi ye hanɛ, wɔ bosofoɛ ngɔyakyi ye hanɛ, yeɛ wɔ bosofoɛ bɛ bosofoɛ ngɔyakyi ye hanɛ, ofi ɛnɛ bɔ ɔkwaadwu afebɔɔ ɔ, AWURADE noa dwirɛ ɛne.”

Daniel 2:22

ɔda edwirɛ bɔ nu pi ɔ, ɔne mvealeɛ nu dwirɛ ali, ɔse bɔ ɔwɔ awosii nu ɔ, na kanea ne ye yeɛ bɛte ɔ.

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Luka 2:26

Né Sunzum Krongron aye ahyire ye kyɛ, ongonwu ewue, sana wafa ye nye wanwu Kristo bɔ ɔte Awurade deɛ ne koraka.

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

1 Korintofoɛ 14:30

Na sɛ ebie wɔ berɛ ná onya nyekyire a, ye de ma bɔ ogu so odwudwo ne yakyi dwudwolɛ.

1 Korintofoɛ 2:11

Nwa yeɛ ɔse kuro sona ti anu dwirɛ ɔ? Sana sɔ sona ne sunzum bɔ ɔte ye nu ne. Sɔ ala yeɛ ebiala koso nze Nyameɛ ti anu dwirɛ ɔ, sana Nyameɛ Sunzum ne yeɛ ɔse ɔ.

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Ɛfesofoɛ 3:3

kyɛbɔ ɔnate nyekyire so maa nwuni mvealeɛ nu dwirɛ ne, kyɛbɔ mahyerɛ ye nwo dwirɛ kãa dada ne.

Ɛfesofoɛ 3:5

mvealeɛ nu dwirɛ bɔ banna ye ali bangyire mmenia mmaa wɔ aworɛ ndoatoasoɛ biemɔ anu, kyɛbɔ kekesaala ye de Sunzum ne waye wahyire ye asomafoɛ ne ngɔmhyɛlɛfoɛ krongron mɔ ne.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

1 Yohane 2:20

Nakoso ɛmɔ de, Krongronniɛ ne wapopa ɛmɔ ngoo, yiti ɛmɔse nikyee biala.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 2:24

Nakoso ɛmɔ ngaa bɔ baha Tiatira, bɔ ɛmɔnni sɔ ngyerɛkyerɛ ne aso, bɔ ɛmɔanzua bɔ mmenia frɛ ye Satan mvealeɛ nu dwirɛ ne de, ɛmɔ yeɛ mekã mekyire ɛmɔ kyɛ, mengɔfa adesoa foforɛ mengɔto ɛmɔ so.