1 Korintofoɛ 2:1 - AHYERƐLƐ KRONGRON

¹ Aliɛmaa mɔ, mmale ɛmɔ berɛ kyɛ mebaali Nyameɛ dwirɛ ne nwo adanzeɛ mekyire ɛmɔ ne, mamma kyɛ sona bɔ ye noa ate anaakyɛ ɔse nworɛ ɔ.

1 Korintofoɛ 2:1 Iomraidhean Croise

Ɛksadɔso 4:10

Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 22:18

Nwuni Awurade, na osele me kyɛ, ‘Ma wɔ nwo yɛ nyera ná fi Yerusalem, ofikyɛ bengole w’adanzeɛ bɔ ekoli kɔfa me nwo ne ngɔto nu.’

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

1 Korintofoɛ 1:17

Ofikyɛ Kristo anzoma me kyɛ mmamɔ asu, na mmom ɔsomane me kyɛ mmanga nzɛmba ne, bɔ memva kuro sona nworɛ yeɛ mekã ɔ, amaa Kristo mmeamudua ne wanyɛ mbaen.

1 Korintofoɛ 1:6

Kristo nwo nzɛmba ne atira ndii wɔ ɛmɔ nu,

1 Korintofoɛ 2:13

Bɔ yɛkã ne, yɛmva kuro sona nworɛ yeɛ yɛfa yɛkyirekyire ɔ, na mmom bɔ Sunzum Krongron ne okyirekyire ɔ; na yɛfa sunzum nu nningyein yɛtoto sunzum nu nningyein nwo.

1 Korintofoɛ 2:4

Mamva sona nworɛ ne tetateta yeɛ ngane me dwirɛ ná nyɔle me ngyerɛkyerɛ ɔ; na mmom mvale Sunzum ne ɔne tumi yeɛ nyɔle adwuma ɔ,

1 Korintofoɛ 2:7

Na mmom mworɛ bɔ yɛbɔ ye nwo dawure ne te Nyameɛ mvealeɛ nu nworɛ, bɔ kyɛbɔ ɔkɔyɛ ná yanya animnyam ti, ɔhyehyɛ tole berɛ koraka yeɛ ɔbɔ wiase ɔ.

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

2 Korintofoɛ 11:6

Na sɛ me noa yeɛ ɔttele po a, nimdeɛ nu de mebɔ mmɔden; na nikyee biala nu yala ɛhe ali yahyire ɛmɔ wɔ atee biala so.

2 Tɛsalonika 1:10

Sɔ kyẽa ne, ɔkɔwa ma ye anwoteefoɛ kɔhyɛ ye animnyam, na agyidifoɛ mukoraa anwu ye anwanwa adwuma; ofikyɛ ɛmɔale yɛ adanzeɛ bɔ yɛli yɛhyirele ɛmɔ ne bali.

1 Timoteo 1:11

kyɛbɔ saleɛ Nyameɛ animnyam nzɛmba bɔ bafa bawura me sa ne ɔte ne.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

Nyekyire 1:2

bɔ odi Nyameɛ dwirɛ ne ne Yesu Kristo adanzeɛ ne nwo adanzeɛ, ɔne bɔ onwuni ye ne amukoraa nwo adanzeɛ ɔ.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”