1 Korintofoɛ 16:6 - AHYERƐLƐ KRONGRON

⁶ Ebiaa ngɔhyɛ ɛmɔ anwo berɛ kãa, anaa ngoli prakasua ne ɛmɔ berɛ, na afei nziɛ ye ɛmɔaboka me bagua me ate maa mahɔ nekaa bɔ mekɔ ɔ.

1 Korintofoɛ 16:6 Iomraidhean Croise

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 17:15

Na bɛ bɔ beesomane Pɔɔlo ate ne, bɛfale ye beedwuli Atense, na besa bɛkɔ nen, ɔfale ngraa maa bɛɛmane Silase ne Timoteo kyɛ bɛma bɛ nwo yɛ nyera bɛɛboka ye so.

Asomafoɛ 20:38

na bɔ ɔmane bɛ wora bɔle koraa ole ye dwirɛ bɔ ɔhane kyɛ bengonwu ye ko ne. Na afei beesomane ye ate bedwuli ɛlɛen ne anwo.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Asomafoɛ 27:12

Né ɛlɛen agyinaleɛ berɛ ɔtte mayee bɔ bedi prakasua mmerɛ ne berɛ a ɔyɛ yé ɔ, yiti mmeni soma yɛle kyɛ bɛkɔtoa ateetulɛ ne aso, na sɛ ɔkɔyɛ yee po a, baadwu Fonike na bali prakasua mmerɛ ne berɛ. Fonike te ɛlɛen agyinaleɛ wɔ Krete, na ɔla sorɔ ne eyia atɔleɛ, ɔne ngwaen ne eyia atɔleɛ b’afia.

Asomafoɛ 28:11

Bosome nza pɛle nu, na afei yɛfole ɛlɛen bie bɔ “Bosoen Ndaa” sɛngyerɛnneɛ bɔ ye nyunu, bɔ ofi Aleksandria yɛhɔle. Né ɛlɛen ne ali prakasua mmerɛ ne wɔ supɔ ne aso.

Romanfoɛ 15:24

Na mekuro kyɛ mebaasẽ mekɔ Sepania a, ngɔwa ɛmɔ berɛ, ná manya ɛmɔ nwo anika mmerɛ kãa, ná afei ɛmɔaboka me maa matoa m’ateetulɛ ne aso mahɔ berɛ.

1 Korintofoɛ 16:11

Nnɛma ebiala bu ye animtia, na mmom ɛmɔgua ye ate asomdwee nu ma osa bra me wa, ofikyɛ menea ye ne aliɛmaa nemɔ ate.

2 Korintofoɛ 1:16

Nyɛle kyɛ sɛ mesẽ mekɔ Makedonia a, ahaa ngɔɔpasa ɛmɔ nwo, yeɛ sɛ mvi dɔ mesa meba koso a, masa maapasa ɛmɔ nwo, ná ɛmɔagua m’ate maa mahɔ Yudea.

Tito 3:12

Sɛ mesoma Atɛma anaa Tihiko maa ɔba wɔ berɛ a, bɔ mmɔden kyɛ ɛkɔwa me berɛ wɔ Nikopoli; ofikyɛ berɛ yeɛ mayɛ m’adwene kyɛ ngooli prakasua mmerɛ ne ɔ.