1 Korintofoɛ 16:2 - AHYERƐLƐ KRONGRON

² Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

1 Korintofoɛ 16:2 Iomraidhean Croise

Gyenesise 26:12

Na Yisake yɔle eboo wɔ aseɛ ne aso, na sɔ afoɛ ne ala onyane aleɛ mmɔhoɛ ɛyaa. AWURADE yirale ye

Gyenesise 30:27

Nakoso Laban sele ye kyɛ, “Sɛ bɔ meka ye ekotie a, mafa abisa so manwu ye kyɛ wɔ ti AWURADE ayira me paa.

Gyenesise 30:30

Mmmale ɛwa ne, né wɔ ngaka nemɔ anzo. Ɛnɛ nea bɛ somaa. AWURADE ayira wɔ nikyee biala bɔ mvale me sa nzɔle nu anwo. Na afei kyinzu yeɛ ngoli me bɔbɔ m’awuro so ɔ?”

Gyenesise 32:10

memvata ɔdɔ kandinga ne nahorɛlilɛ pee bɔ afa alo w’akoaa ne anu kaala po, ofikyɛ mmerɛ bɔ né mépɛ asue Yɔɔdan ne, né nnne hwee kyɛ me pɔmaa ye angome; nakoso kekesaala ye de, me boso atrɛ maa manya mmeni kure nyɔ.

Gyenesise 33:11

Mesrɛ wɔ, sɔ m’akyɛdeɛ bɔ mafa mabrɛ wɔ ye anu, ofikyɛ Nyameɛ alo me paa, na hwee nhia me. Yiti ɔsrɛle ye maa olele.

2 Aberɛso Dwirɛ 31:10

Yeɛ ɔsɔfo panyi Asaria bɔ ɔte Sadoke bosoniɛ ne, obuale Hesekia kyɛ, “Ofi mmerɛ bɔ bɛhyɛle ye bo bɛfale sɔ nningyein nemɔ bɛwale AWURADE awuro ne, yanya aleɛ yali maa wabu yɛ so, ofikyɛ AWURADE ayira ye maen, amaa ɔnate ye sɔ ti yeɛ yanya nningyein pee maa wabu yɛ so ye.”

Marko 14:8

Bɔ ɔkɔhora ye yɔ yeɛ wayɔ ye; wali moa wapopa me nipadua wafa wanwondɛ me sielɛ.

Luka 16:10

“Ebiala bɔ odi nahorɛ wɔ nningyein mmaa mmaa nu ne, odi nahorɛ wɔ nningyein mbiri mbiri nu koso; yeɛ ebiala bɔ onni nahorɛ wɔ nningyein mmaa mmaa nu ne, onni nahorɛ wɔ nningyein mbiri mbiri nu koso.

Luka 24:1

Na dapɛn ne anu kyẽa bɔ oli moa ne, ye alebahyene, bɛfale ayirefona bɔ besiesiele ne bɛhɔle asieleɛ ne aso.

Yohane 20:19

Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!”

Yohane 20:26

Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.”

Asomafoɛ 20:7

Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

2 Korintofoɛ 8:10

Nzusuleɛ bɔ meyɔ ɛhe, na ɔte paa ma ɛmɔ. Ɛmɔ yeɛ afoɛ hene ɛmɔlili moa benyane adwene kyɛ ɛmɔkɔboka ɔ, na ɛmɔ koso ala yeɛ ɛmɔlili moa bɛkekane bɛ sa ase ɔ.

Deuteronomi 8:18

Na mmom kaye AWURADE wɔ Nyameɛ, ofikyɛ ye yeɛ ɔma wɔ anwoserɛ maa ɛfa nya wɔ nwo ɔ, kyɛbɔ kekesaala ye ɔwɔ so ɔyɔ ye; amaa ɔnate so apam bɔ ɔtale ye nwo ndaen hyirele wɔ nana mɔ ne, wasi ye agyinayɛɛ.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,