1 Korintofoɛ 15:51 - AHYERƐLƐ KRONGRON

⁵¹ Ɛmɔtie, mekã mvealeɛ nu dwirɛ mekyire ɛmɔ; yɛ mukoraa yɛngɔlela, na yɛkɔkakyi.

1 Korintofoɛ 15:51 Iomraidhean Croise

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Korintofoɛ 15:18

Né nzaade Kristo nu agyidifoɛ koso bɔ balela ne bamini.

1 Korintofoɛ 15:20

Nakoso ɔte nahorɛ kyɛ batingye Kristo bafi ewue nu amaa wayɛ bɛ bɔ balela ne anu bakaa mmaa bɔ oli moa ɔ.

1 Korintofoɛ 15:6

Ɛhe asi ye, ɔyele ye nwo ali hyirele agyidifoɛ bɔ bɛbo ɛyaa nnu mmerɛ komapɛ, bɔ bɛ nu pee tɛte ase, ná ebiemɔ koso balela ɔ.

1 Korintofoɛ 2:7

Na mmom mworɛ bɔ yɛbɔ ye nwo dawure ne te Nyameɛ mvealeɛ nu nworɛ, bɔ kyɛbɔ ɔkɔyɛ ná yanya animnyam ti, ɔhyehyɛ tole berɛ koraka yeɛ ɔbɔ wiase ɔ.

1 Korintofoɛ 4:1

Odi kyɛ ebiala bu yɛ kyɛ yɛte Kristo asomvoɛ ne Nyameɛ mvealeɛ nu dwirɛ so neafoɛ.

2 Korintofoɛ 5:2

Ɛtena sua he anu de, yɛpene, ofikyɛ yɛpere kyɛ bɛkɔfa nyameɛso awuro ne bekopuro bɔ yɛte nu ne aso.

2 Korintofoɛ 5:4

Ofikyɛ mmerɛ bɔ yɛwɔ ɛtena sua he anu ye de, yɛpene. Nna kyɛ ebiaa yɛpena kyɛ bepuro befi yɛ nwo ɔ, na mmom yɛpena kyɛ bɛfa nyameɛso deɛ ne bepuro so, amaa ngoa abungam bɔ owu so bɔkɔɔ.

Ɛfesofoɛ 1:9

Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Ɛfesofoɛ 3:3

kyɛbɔ ɔnate nyekyire so maa nwuni mvealeɛ nu dwirɛ ne, kyɛbɔ mahyerɛ ye nwo dwirɛ kãa dada ne.

Ɛfesofoɛ 5:32

Ɛhe te mvealeɛ nu dwirɛ piri paa, na me de, Kristo ne asɔre ne nwo dwirɛ mmom yeɛ mekã ɔ.

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.