1 Korintofoɛ 15:5 - AHYERƐLƐ KRONGRON

⁵ Ɔyele ye nwo ali hyirele Kefa, na nziɛ ye buru ne nyɔ ne koso benwuni ye.

1 Korintofoɛ 15:5 Iomraidhean Croise

Marko 16:14

Na ɛhemɔ asi ne, ɔyele ye nwo ali hyirele asuafoɛ buru ne ko ne wɔ mmerɛ bɔ né bedidi ɔ. Na ohwili bɛ nyunu wɔ elelɛ bɔ banne banni, ɔne b’asoserɛ nwo, ofikyɛ banne bɛ bɔ benwuni ye kyɛ watingye ne banni.

Yohane 1:42

Ɔfale ye hɔle Yesu berɛ, na Yesu neane ye haa sele kyɛ, “Wɔ ole Simɔn, Yohane awa ne. Bɛkɔfrɛ wɔ Kefa.” (Ye bo kyire Petro).

Asomafoɛ 10:41

Wanye ye nwo ali wangyire mmenia mukoraa, sana yɛ bɔ yɛte adanzefoɛ bɔ Nyameɛ aye yɛ dada nen; bɔ ye wutingyelɛ asi ne, yɛne ye didili na yɛnone ne.

1 Korintofoɛ 1:12

Mekyire kyɛ, asora bɔ ɛmɔ nu biala kã ye deɛ fa ɔ. Ebie nwa, “Me de, nwɔ Pɔɔlo bue nu”, ebie wora nwa, “Me de, nwɔ Apolo bue nu”, ebie koso nwa, “Me de, nwɔ Kefa bue nu”, yeɛ ebie koso nwa, “Me de, nwɔ Kristo bue nu.”

1 Korintofoɛ 3:22

Pɔɔlo oo, Apolo oo, Kefa oo, ewiase oo, ngoa oo, ewue oo, ɛnɛ deɛ oo, anaa kyẽa bie deɛ oo, bɛ mukoraa bɛte ɛmɔ deɛ,

1 Korintofoɛ 9:5

Aso yɛlle ye nwo ate kyɛ yɛne aliɛmaa brasua bɔ ɔte yɛ ye tu atee, kyɛbɔ asomafoɛ ngaa nemɔ ne Awurade aliɛma mɔ ne Kefa bɛyɔ ne?