1 Korintofoɛ 15:3 - AHYERƐLƐ KRONGRON

³ Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.

1 Korintofoɛ 15:3 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Hesekiel 3:17

“Sona awa, mafa wɔ mayɛ Yisrael awuro ama so wɛmvoɛ; yiti tie me noa dwirɛ, ná fa bɔ bɛ kɔkɔ ma me.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 26:24

Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Asomafoɛ 17:2

Na kyɛbɔ né Pɔɔlo taa yɔ ne, ɔhɔle nyianu sua ne anu, na ɔne bɛ yɔle Ahyerɛlɛ ne anu ngyerɛkyerɛ afofikyẽa sɔ alaa pɛen nza.

Asomafoɛ 3:18

Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu.

Asomafoɛ 8:32

Né ɔkenga Ahyerɛlɛ ne anu dwirɛ he: “Bɛfale ye bɛhɔle kyɛ boaen bɔ bɛ́fa ye bɛkɔ akumyɛɛ ɔ, anaakyɛ boaen ba bɔ watɔ mumu wɔ sona bɔ ɔpepɛ ye nwiaa nyunu ɔ, wammukye ye noa.

Romanfoɛ 3:25

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu;

Romanfoɛ 4:25

ye bɔ ɔnate yɛ bɔne ti behuni ye, ná ɔnate yɛ bebualɛ ti betingyele ye ɔ.

1 Korintofoɛ 11:2

Aliɛmaa mɔ, mekamvo ɛmɔ, ofikyɛ ɛmɔkaye me wɔ nikyee biala nu, na ɛmɔdi ngyerɛkyerɛ bɔ mva mane ɛmɔ ne aso.

1 Korintofoɛ 11:23

Ofikyɛ, bɔ nya mvili Awurade berɛ ne yeɛ me koso mva mane ɛmɔ ɔ: kyɛ, kɔngɔen ne bɔ bɛyele Awurade Yesu bɛmane ne, ɔfale paanoo,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Hebrifoɛ 5:1

Bɛye ɔsɔfo panyi paa biala befi mmenia nu maa ogyina bɛ gya nu wɔ Nyameɛ nyunu, na ɔfa ayɛyɛdeɛ ne afɔleɛ srɛ bɔnefakyɛ.

Hebrifoɛ 5:3

Na ɔnate sɔ ne ati, nna mmenia bɛ bɔnefakyɛ afɔleɛ ngome yeɛ ɔbɔ ɔ; na mmom odi kyɛ ɔbɔ ye bɔbɔ ye deɛ koso.

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,