1 Korintofoɛ 15:10 - AHYERƐLƐ KRONGRON

¹⁰ Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 15:10 Iomraidhean Croise

Mateo 10:20

Ɔnate kyɛ, nna ɛmɔ yeɛ ɛmɔdwudwo ɔ, na mmom ɛmɔ Baba Sunzum ne yeɛ ɔfa ɛmɔ so dwudwo ɔ.

Mateo 25:16

Na berɛ ne ala, ko bɔ onyane talɛnde nnu ne, ɔfale ye sikaa ne ɔɔyɔle adwuma, na onyane mvasoɛ talɛnde nnu.

Romanfoɛ 11:1

Afei mebisa, aso Nyameɛ wapo ye maen anaa? Dabida! Ofikyɛ me bɔbɔ nde Yisraelniɛ, nde Abraham bosoniɛ, mvi Benyamin abusua kure nu.

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

1 Korintofoɛ 15:11

Yiti sɛ me ahɔ oo, sɛ bɛ ahɔ oo, nzɛmba komapɛ ne ala yeɛ yɛkã ɔ, yeɛ ɛmɔ koso bele belili ɔ.

1 Korintofoɛ 15:2

Sɛ ɛmɔsɔ bɔ nga ngyirele ɛmɔ ne anu yé a, ɔnate so ɛmɔkonya daa ngoa; na sɛ wamma ye sɔ de a, né ɛmɔale bali mbaen.

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Galatiafoɛ 2:8

Ofikyɛ Nyameɛ bɔ ɔnate Petro so yɔle asomafoɛ adwuma wɔ bienzuapɛlɛfoɛ nu ne, ye komapɛ ne ala yeɛ ɔnate me so lili dwumaa wɔ Amaenmaensofoɛ nu ɔ.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

1 Tɛsalonikafoɛ 5:12

Aliɛmaa mɔ, yɛsrɛ ɛmɔ kyɛ, ɛ́mɔfa anidie bɛ́ma bɛ bɔ bɛyɔ adwuma wɔ ɛmɔ nu, ná bedi ɛmɔ so panyi wɔ Awurade nu, ná betu ɛmɔ foɛ ne;

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.