1 Korintofoɛ 14:8 - AHYERƐLƐ KRONGRON

⁸ Na sɛ behu totorobɛndo ná nu anna berɛ yé a, nwa yeɛ okosiesie ye nwo kɔhɔ koɛ ɔ?

1 Korintofoɛ 14:8 Iomraidhean Croise

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yeremia 4:19

Me kunu tete me, me kunu tete me! Ahunundetelɛ atɔ me so. M’ahone yɛ me hwimhwim. Mengora me noa kã to nu; ofikyɛ mete totorobɛndohulɛ nga, mete koɛ nga.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Numeri 10:9

Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.

1 Korintofoɛ 14:7

Sɔ ala yeɛ nningyein bɔ belle ngoa te kyɛ awɛen anaa sangoo te ɔ. Kyɛbɔ sona bɔ bɛ a besi bɛgyegye ne, sɛ nu anna berɛ yé a, ɔkɔyɛ sɛɛ né ebie ahora anwu edwein horɛ bɔ sona ne fa bɔ ɔ?