1 Korintofoɛ 14:3 - AHYERƐLƐ KRONGRON

³ Nakoso sona bɔ ɔhyɛ ngɔm de, mmenia ngɔsoɛ, foɛtulɛ ne aworakyekyerɛ ti yeɛ ɔyɔ sɔ ɔ.

1 Korintofoɛ 14:3 Iomraidhean Croise

Luka 3:18

Na ɔfale edwirɛ pee bokale so otuli maen ne foɛ, na ɔhane nzɛmba ne hyirele bɛ.

Asomafoɛ 13:15

Mmerɛ bɔ ebie kengale Mose mmeraa ne ɔne ngɔmhyɛlɛfoɛ nwomaa ne yiele nen, nyianu sua ne anu mbanyi bisale Pɔɔlo ne Banaba kyɛ, “Aliɛmaa mɔ, sɛ ɛmɔle foɛtulɛ dwirɛ bie bɛma mmenia ne a, ɛmɔhã.”

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 4:36

Sɔ ala koso yeɛ Yosef bɔ bɛwole ye Kipro na ofi Lewi abusua nu yɔle ɔ. Asomafoɛ ne tole ye dumaa Banaba (bɔ ye bo kyire “sona bɔ ɔhyɛ nguraen.”)

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Romanfoɛ 12:8

sɛ ɔte nguraenhyɛlɛ a, ɛmɔma yɛhyɛ. Sɛ ebie yɛ adɔeɛ a, maa ɔye ye kunu ɔyɛ; ebiala bɔ ɔnea mmenia so ne, maa ɔyere ye nwo; na bɔ ɔse anwumvoin ne, maa ɔte ye nyunu yɔ.

Romanfoɛ 14:19

Yiti ɛmɔma yɛli nningyein bɔ bɛma asomdwee ɔne bɔ ɔfa ngɔsoɛ brɛ yɛ si.

Romanfoɛ 15:2

Na mmom ɛ́mɔma yɛ nu biala ɔyɔ bɔ ɔkɔma obiɛngo nwo kɔtɔ ye ɔ, bɔ ɔte paa ma ye, bɔ ɔkɔmaa okonyi gyidie nu ɔ.

1 Korintofoɛ 10:23

Bɛtaa bɛkã kyɛ, “Yɛle nikyee biala nwo ate”, nakoso nna nikyee biala yeɛ ɔte paa ɔ; yeɛ nna nikyee biala yeɛ ɔma ngɔsoɛ ɔ.

1 Korintofoɛ 14:12

Na ɛmɔ koso, ɔnate kyɛ ɛmɔpere bɛpena Sunzum n’akyɛdeɛ ne ati, odi kyɛ ɛmɔma bɛ nye boro bɛpena akyɛdeɛ bɔ ɔkɔma asɔre ne ngɔsoɛ ɔ.

1 Korintofoɛ 14:17

Na sɛ w’asennaa mbaeɛ ne te paa sɛɛ ala po a, ɔngora mma sona foforɛ ngɔsoɛ.

1 Korintofoɛ 14:26

Aliɛmaa mɔ, mekyire sɛɛ koraa? Sɛ ɛmɔyia nu a, ebie le edwein to, ebie le ngyerɛkyerɛ kyire, ebie le edwudwolɛ ahoroɔ kã, ebie le nyekyire, ebie le edwudwolɛ ahoroɔ nwo ngyerɛaseɛ. Ɛmɔma ebiala yɔ ye deɛ bɔ ɔma ngɔsoɛ ɔ.

1 Korintofoɛ 14:31

Ofikyɛ ɛmɔ amukoraa ɛmɔkɔhora bɛkɔhyɛ ngɔm ngoko ngoko, ná ɛmɔ amukoraa ɛmɔanya nu nikyeesualɛ ne aworakyekyerɛ.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

2 Korintofoɛ 1:4

bɔ ɔkyekye yɛ wora wɔ y’amaneɛnwunɛ mukoraa nu, amaa yɛ koso yahora yafa aworakyekyerɛ bɔ Nyameɛ fa kyekye yɛ wora ne yakyekye bɛ bɔ benwu amaneɛ ahoroɔ ɔ bɛ wora.

2 Korintofoɛ 2:7

Yiti ohia kyɛ ɛmɔfa ye nwo bɛkyɛ ye ná ɛmɔkyekye ye wora, amaa aworabɔlɛ ne ammu ye kɔme anu.

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Ɛfesofoɛ 6:22

Na ɛhe ati yeɛ masoma ye ɛmɔ berɛ ɔ, amaa ɛmɔanwu kyɛbɔ yɛ nwo si te ɔ, ná wakyekye ɛmɔ wora.

Kolosefoɛ 4:8

Ɛhe ati yeɛ masoma ye ɛmɔ berɛ ɔ, amaa ɛmɔanwu kyɛbɔ yɛ nwo si te ɔ, ná wakyekye ɛmɔ wora,

1 Tɛsalonikafoɛ 2:11

Ɛmɔse kyɛ yɛtuli ɛmɔ nu biala foɛ, yɛkyekyele ɛmɔ wora kyɛbɔ seɛ si yɛ ye mma ɔ, na yɛhyɛle ɛmɔ nguraen,

1 Tɛsalonikafoɛ 2:3

Yɛ dwirɛ bɔ yɛhane ne, oggyi ngondombo anaa adwene tɛɛ biala so, yeɛ nnakannaka biala nne nu;

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.

1 Tɛsalonikafoɛ 4:18

Yiti ɛ́mɔfa edwirɛ hemɔ bɛ́kyekye ɛmɔ wora.

2 Tɛsalonika 3:12

Sɔ mmenia nemɔ, yɛ́hyɛ bɛ wɔ y’Awurade Yesu Kristo dumaa nu, ná yɛtu bɛ foɛ kyɛ, odi kyɛ bɛyɔ b’adwuma konn bɛfa bɛpena bɛ noa aleɛ.

1 Timoteo 1:4

yeɛ nnɛmaa bɛha bɛ nwo wɔ ɛhoaa ne afilie nu aworɛ ndoatoasoɛ nwo dwirɛ bɔ ye bo mbɛ ɔ, bɔ ɔfa aporowaasulɛ ba tra nyamesom paa ne bɔ ɔwɔ gyidie nu ne.

1 Timoteo 4:13

Tu wɔ nwo sie berɛ ma Ahyerɛlɛ ne kengalɛ wɔ badwa nu, nzɛmbahanɛ ne ngyerɛkyerɛ kɔpem kyɛ ngɔwa ɔ.

1 Timoteo 6:2

Bɛ bɔ bɛ mene mɔ te agyidifoɛ nen, nnɛmaa bɛfa ye kyɛ bɛte aliɛmaa ti bebu meneɛ nemɔ animtia; na mmom ɔsɛ kyɛ bɛyere bɛ nwo bɛso bɛ yé; ofikyɛ bɛ bɔ benya bɛ solɛ ne nwo mvasoɛ ne, bɛte agyidifoɛ ne adɔfo. Sɔ nningyein hemɔ yeɛ kyirekyire, ná tu ye nwo foɛ ɔ.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Tito 1:9

ɔsɛ kyɛ otira nahorɛ dwirɛ ne anu bum kyɛbɔ behyirele ye ne, amaa ɔnate so wahora wafa ngyerɛkyerɛ paa watu foɛ, ná wama aporowaasulɛfoɛ bɛ mvomsoɛ ala ali.

Tito 2:15

Fa tumi amukoraa kã ɛhemɔ, tu ye nwo foɛ, ná twi bɛ nyunu. Nnɛma ebiala fa wɔ nyunu twitwi ase.

Tito 2:6

Na mmerandeɛ nemɔ koso, sɔ ala yeɛ tu bɛ foɛ ma benya anwohyɛsoɛ ɔ.

Tito 2:9

Ngoaa mɔ koso, tu bɛ foɛ kyɛ bɛbrɛ bɛ nwo ase bɛma bɛ mene mɔ, ná bɛ́sɔ bɛ nye wɔ atee biala so; ɔnzɛ kyɛ bɛyɛ bɛ so nyeyeanoɛ,

Hebrifoɛ 10:25

Nnɛmɔma yɛyakyi yɛ nwo yɛ nwo nyianuyɛlɛ, kyɛbɔ ebiemɔ de bayakyi ye yɔlɛ nen; na mmom ɛ́mɔma yɛhɔ so yɛtutu yɛ nwo yɛ nwo foɛ, nganga kekesaala ye bɔ ɛmɔnwu ye kyɛ Kyẽa ne apingye ye.

Hebrifoɛ 13:22

Aliɛmaa mɔ, mesrɛ ɛmɔ kyɛ ɛmɔnya aboterɛ betie me foɛtulɛ he, ofikyɛ me krataa bɔ mahyerɛ ɛmɔ ye ɔnware biala.

Hebrifoɛ 3:13

Na mmom ɛmɔtutu bɛ nwo foɛ kyẽa biala bɔ bɛfrɛ ye “Ɛnɛ” ne, na bɔne annakalaka ɛmɔ nu biala amma wanyɛ asoserɛ.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.

Yuda 1:20

Nakoso ɛmɔ de, aliɛmaa mɔ, ɛmɔhɔ so benyi wɔ ɛmɔ gyidie krongron paa ne anu, ná ɛ́mɔbɔ mbaeɛ wɔ Sunzum Krongron nu;