1 Korintofoɛ 14:2 - AHYERƐLƐ KRONGRON

² Ɔnate kyɛ sona bɔ ɔkã edwudwolɛ bɔ ebie nde ye bo ne, ondwudwo ngyire mmenia, na mmom odwudwo kyire Nyameɛ, ofikyɛ ebiala nde ye dwirɛ ne bo; nakoso Sunzum ne nate ye so kã mvealeɛ nu dwirɛ.

1 Korintofoɛ 14:2 Iomraidhean Croise

Gyenesise 11:7

Ɛmɔbra, ɛ́mɔma yɛdwu yɛhɔ ase, ná yɛkakyi bɛ dwudwolɛ ne ma ɔyɛ nwunyaenn, amaa bɛ nu biala ande obiɛngo dwudwolɛ bo ko.”

Gyenesise 42:23

Né bɛnze kyɛ Yosef te edwirɛ bɔ bɛka ne abo ɔ, ofikyɛ né sona bie wɔ berɛ bɔ okyire bɛ dwudwolɛ ne abo ɔ.

2 Ahemvo 18:26

Yeɛ Hilkia awa Eliakim, Sebena ɔne Yoa besele Rabesake ne kyɛ, “Wɔ ngoaa, yɛsrɛ wɔ, kã edwirɛ ne kyire yɛ wɔ Aramaeke dwudwolɛ nu, ofikyɛ yɛte Aramaeke. Nnɛdwudwo kyire yɛ wɔ Yuda dwudwolɛ nu, ofikyɛ mmenia bɔ bɛwɔ fasue ne aso ne, bɛkɔte bɔ ɛkã ne.”

Edwein 78:2

Ngobukye me noa ngobu anyandera. Ngɔhã tete dwirɛ bɔ ye bo telɛ yɛ se ɔ,

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Marko 16:17

Na bɛ bɔ bede bedi ne, nzɛngyerɛnneɛ hemɔ yeɛ okoli bɛ si ɔ: Me dumaa nu, bekotutu sunzummɔne mɔ; bɛkɔhã edwudwolɛ foforɛ mɔ;

Marko 4:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ; nakoso mmenia ngaa ne de, bɛkã ye mukoraa wɔ anyandera nu yeɛ bekyire bɛ ɔ.

Asomafoɛ 10:46

ɔnate kyɛ bɛtele kyɛ mmenia ne akakyi bɛ temverema bɛ́kã dwudwolɛ foforɛ ná bɛkamvo Nyameɛ ɔ. Na Petro hane kyɛ,

Asomafoɛ 19:6

Na Pɔɔlo fale ye sa guale bɛ so ne, Sunzum Krongron wale bɛ so; bɛhane edwudwolɛ ahoroɔ, na bɛhyɛle ngɔm.

Asomafoɛ 22:9

Mmenia bɔ né bɛboka me so ne nwuni kanea ne, (ɛserɛ hane bɛ), nakoso bande bɔ né ɔne me dwudwo ne komvi.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 13:1

Sɛ mekã mmenia ne abɔfo mɔ dwudwolɛ ahoroɔ ná nnne ɔdɔ a, né nde kyɛ ayaa bɔ ɔgyegye mbaen anaakyɛ akasaa bɔ ɔwoso mbaen ɔ.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Korintofoɛ 14:16

Na sɛ ɛbɔ asennaa mbaeɛ wɔ sunzum nu a, ɔkɔyɛ sɛɛ né ebie bɔ ɔnde ye bo ɔ wasuro w’asennaa mbaeɛ ne aso “Amen”, wɔ aberɛ bɔ ɔnze bɔ ɛkã ɔ?

1 Korintofoɛ 14:26

Aliɛmaa mɔ, mekyire sɛɛ koraa? Sɛ ɛmɔyia nu a, ebie le edwein to, ebie le ngyerɛkyerɛ kyire, ebie le edwudwolɛ ahoroɔ kã, ebie le nyekyire, ebie le edwudwolɛ ahoroɔ nwo ngyerɛaseɛ. Ɛmɔma ebiala yɔ ye deɛ bɔ ɔma ngɔsoɛ ɔ.

1 Korintofoɛ 15:51

Ɛmɔtie, mekã mvealeɛ nu dwirɛ mekyire ɛmɔ; yɛ mukoraa yɛngɔlela, na yɛkɔkakyi.

1 Korintofoɛ 2:10

Nakoso yɛ yeɛ Nyameɛ nate ye Sunzum so waye wahyire yɛ ɔ. Ofikyɛ Sunzum ne pɛnzɛpɛnzɛ nikyee biala nu, ɔne Nyameɛ mvealeɛ nu nhyehyɛleɛ po.

1 Korintofoɛ 2:7

Na mmom mworɛ bɔ yɛbɔ ye nwo dawure ne te Nyameɛ mvealeɛ nu nworɛ, bɔ kyɛbɔ ɔkɔyɛ ná yanya animnyam ti, ɔhyehyɛ tole berɛ koraka yeɛ ɔbɔ wiase ɔ.

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

1 Timoteo 3:9

ɔsɛ kyɛ bɛfa tiboa bɔ ommua bɛ foɛ ɔ bɛsɔ gyidie mvealeɛ nu dwirɛ ne anu.

Nyekyire 10:7

na mmom mmerɛ bɔ abɔfo bɔ ɔtɔ so nzoo ne kohu ye totorobɛndo ne, yeɛ Nyameɛ mvealeɛ nu dwirɛ ne kɔwa nu ɔ, kyɛbɔ ɔhane ye nwo dwirɛ hyirele ye ngoaa ngɔmhyɛlɛfoɛ nemɔ ne.”