1 Korintofoɛ 14:1 - AHYERƐLƐ KRONGRON

¹ Ɛ́mɔma ɔdɔ yɛ ɛmɔ botaeɛ, ná ɛ́mɔma ɛmɔ nye boro bɛpena sunzum akyɛdeɛ, ye titire, kyɛ ɛmɔkɔhyɛ ngɔm ɔ.

1 Korintofoɛ 14:1 Iomraidhean Croise

Anyandera 15:9

Bɔnefoɛ mɔ atee te AWURADE akyiwadeɛ, nakoso bɛ bɔ bɛfa tenenee besie bɛ nye so de, okuro bɛ dwirɛ.

Anyandera 21:21

Ebiala bɔ ɔfa tenenee bra ne paayɛlɛ osie ye nye so ne, okonya ngoa, tenenee ne animnyam.

Yesaya 51:1

“Ɛ́mɔtie me, ɛmɔ bɔ ɛmɔbɔ tenenee bra ɔ, ɛmɔ bɔ ɛmɔpena AWURADE si atee ɔ; ɛ́mɔnea nyɔbotaen bɔ bedwale ɛmɔ befili nu ne, ɔne kumaa bɔ nu yeɛ betuli ɛmɔ befili ne.

Romanfoɛ 12:6

Yiti ɛ́mɔma yɛfa yɛ adom akyɛdeɛ ahoroɔ ne yɛyɛ adwuma kyɛbɔ Nyameɛ alo yɛ ɔ. Sɛ ɔte ngɔmhyɛlɛ a, ɛmɔma yɛhyɛ ngɔm kyɛbɔ yɛ gyidie te ɔ;

Romanfoɛ 14:19

Yiti ɛmɔma yɛli nningyein bɔ bɛma asomdwee ɔne bɔ ɔfa ngɔsoɛ brɛ yɛ si.

Romanfoɛ 9:30

Afei, yɛkɔhã ye sɛ? Amaenmaensofoɛ bɔ bandwene ye nwo le kyɛ bɛkɔpena tenenee si atee nen, bɛnate gyidie so banya tenenee.

1 Korintofoɛ 12:1

Aliɛmaa mɔ, ɔfa sunzum nu akyɛdeɛ nemɔ nwo de, membena kyɛ mefa nikyee biala mesie ɛmɔ.

1 Korintofoɛ 12:31

Ɛ́mɔfa bɛ nye besie akyɛdeɛ bɔ bɛ nwo hia paa nemɔ aso. Afei ɛ́mɔma ngyire ɛmɔ atee paa paa ne.

1 Korintofoɛ 13:13

Afei nningyein nza yeɛ bɛwɔ berɛ ɔ: gyidie, anyelasoɛ, yeɛ ɔdɔ, nakoso ɔdɔ di mu tra bɛ mu.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Korintofoɛ 14:22

Yiti edwudwolɛ ahoroɔ de, ɔtte sɛngyerɛnneɛ mma agyidifoɛ, na mmom ɔte sɛngyerɛnneɛ ma bɛ bɔ benne nni ɔ; yeɛ ngɔmhyɛlɛ wora ɔtte bɛ bɔ benne benni deɛ, na mmom ɔte agyidifoɛ deɛ.

1 Korintofoɛ 14:37

Sɛ ebie bu ye nwo kyɛ ɔte ngɔmhyɛlɛniɛ anaakyɛ ole sunzum nu akyɛdeɛ a, maa ɔte ye bo kyɛ bɔ mekyerɛ mebrɛ ɛmɔ ye te Awurade ahyɛdeɛ.

1 Korintofoɛ 14:39

Yiti aliɛmaa mɔ, ɛmɔma ɛmɔ nye boro ngɔmhyɛlɛ nwo, yeɛ nnɛmaa ɛmɔsi edwudwolɛ ahoroɔ hanɛ nwo ate.

1 Korintofoɛ 16:14

Ɛ́mɔfa ɔdɔ bɛyɔ ɛmɔ nningyein mukoraa.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

1 Tɛsalonikafoɛ 5:20

nnɛma ɛmɔbu ngɔmhyɛlɛ animtia,

1 Timoteo 4:14

Adom akyɛdeɛ bɔ ɔnate ngɔmhyɛlɛ so ɔne mbanyi mɔ sa bɔ bɛfa beguale wɔ so bɛfa bɛmane wɔ ne, nnɛbu wɔ nye gua so.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

2 Timoteo 2:22

Yiti twe wɔ nwo fi mmerandeɛ nu akɔnnɔ nwo, ná fa wɔ nye sie tenenee, gyidie, ɔdɔ ne asomdwee so, ɛne bɛ bɔ befi ahone bɔ nu te ɔ nu bɛfrɛ Awurade bɛbɔ nu ne.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

2 Petro 1:7

ɛ́mɔfa aliɛmaa nwo dɔ bɛ́foa nyamesom paa so, ná ɛ́mɔfa ɔdɔ bɛ́foa aliɛmaa nwo dɔ so.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.

1 Samuel 10:5

Na ɛhe asi ne, ekoodwu Gibeate Elohim, wɔ nekaa bɔ Filistifoɛ koɛhonɛfoɛ atenaleɛ wɔ ne. Na sɛ ɛkwaawura kuro ne anu a, ekoyia ngɔmhyɛlɛfoɛ kure bɔ befi asɔneyɛɛ so dɔ bɛ́torotoro bɛ́ba, bɔ adengum, akasaa, aweɛn ne sangoo angorɛ li bɛ nyunu ɔ. Na ekonwu kyɛ bɛ́hyɛ ngɔm ɔ.