1 Korintofoɛ 13:7 - AHYERƐLƐ KRONGRON

⁷ Ɔdɔ abasanu mmu, ode nningyein mukoraa di, ole nningyein mukoraa nu anyelasoɛ, na ole nningyein mukoraa nu animia.

1 Korintofoɛ 13:7 Iomraidhean Croise

Gyenesise 29:20

Rahɛl ti, Yakob sole afoɛ nzoo, na ɔnate ehurolɛ bɔ né okuro ye ne ati, ɔyɛle ye nye so kyɛ ngyẽa kãa bie.

YOB NWOMAA NE 13:15

Sɛ oku me po a, ye yeɛ ɔte m’anyelasoɛ ɔ, nakoso me ne ye yɛkɔbɔ kuro.

Edwein 119:66

Kyirekyire me wɔ ndɛenbualɛ turoloo ne wɔ nimdeɛ ne, ofikyɛ mede wɔ mmeraa dwirɛ ne medi.

Anyandera 10:12

Ɛpɔen twetwe ngondii ba, nakoso ɔdɔ de, ɔkata mvomsoɛ amukoraa so.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Romanfoɛ 15:1

Yɛ bɔ yɛ nwo yɛ se wɔ gyidie nu ne, ɔsɛ kyɛ yɛsoa bɛ bɔ bɛ nwo nyɛ se nemɔ bɛ mmerɛyɛlɛ, na ɔnzɛ kyɛ yɛyɔ bɔ ɔkɔma yɛ nwo kɔtɔ yɛ angome.

Romanfoɛ 8:24

Ofikyɛ bɛnate anyelasoɛ so yeɛ belele yɛ ngoa ɔ; na anyelasoɛ bɔ bɛ nye nwu ye ne de, ɔtte anyelasoɛ. Ofikyɛ bɔ sona ye nye tua ne, ɔkɔyɛ sɛɛ né wanya ye nwo anyelasoɛ?

1 Korintofoɛ 13:4

Ɔdɔ le aboterɛ, na ye ti anu yɛ mmerɛ; ɔdɔ de, ɔtte ahoɔyea, ongyire ye nwo, na ɔmmoma ye nwo so.

1 Korintofoɛ 9:12

Sɛ ebiemɔ le atee bɛkora benya nningyein befi ɛmɔ berɛ a, né yɛ de yɛlle ye nwo ate kyɛ yɛnya bɔ ɔtra sɔ anaa? Nakoso yɛ de, yamva sɔ atee ne aso; na mmom yɛmiane yɛ nye yɛpenene nikyee biala so, kyɛbɔ ɔkɔyɛ na yanzi Kristo nzɛmba ne nwo atee ɔ.

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Deuteronomi 1:9

“Sɔ mmerɛ ne, nga ngyirele ɛmɔ kyɛ, ‘Me ngome twe de, mengɔhora ɛmɔ so nea.

Deuteronomi 22:27

Ofikyɛ biaa ne nwuni taluwa bɔ babɔ ye asiwa ne wɔ eburo, na ɔwɔ nu kyɛ taluwa ne teateane nu de, nakoso né ebiala nne berɛ bɔ okole ye ɔ.

2 Tɛsalonika 1:4

Na ɛmɔ animia ne gyidie wɔ ɛmɔ nye bɔ bɛtane ne anu, ɔne amaneɛ mukoraa bɔ ɛmɔmia bɛ nye benwu ye ne ati, yɛfa ɛmɔ yɛhoahoa yɛ nwo wɔ Nyameɛ asɔre nemɔ nu.

2 Timoteo 2:24

Ɔnzɛ kyɛ Awurade akoaa kuro ngondii, na mmom ɔsɛ kyɛ ɔbrɛ ye nwo ase ma ebiala, ɔkora yɛ ngyerɛkyerɛ, ná onya aboterɛ,

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.

Hebrifoɛ 13:13

Yiti ɛ́mɔma yɛhɔ ye berɛ wɔ asikyeleɛ ne asi dɔ ná ye animguaseɛ ne bie ɔha yɛ.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.