1 Korintofoɛ 13:6 - AHYERƐLƐ KRONGRON

⁶ Ɔdɔ nye ngye bɔne nwo, na mmom ye nye gye nahorɛ nwo.

1 Korintofoɛ 13:6 Iomraidhean Croise

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Ɛksadɔso 18:9

Na paa mukoraati bɔ AWURADE ayɔ ama Yisrael, kyɛ wale bɛ wafi Misraimfoɛ sa nu ne, ɔyɛle Yɛtro fɛ.

Anyandera 14:9

Ngwaseafoɛ goro foɛlilɛ afɔleɛ nwo, nakoso teneneefoɛ de, Nyameɛ do bɛ.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Hosea 4:8

Me maen, bɔne yeɛ ɔte b’aleɛ ɔ, na b’amumuyɛɛ yeɛ wali bɛ ti ɔ.

Hosea 7:3

Bɛfa bɔne yɔleɛ bɛma ɛhene ne nye gye, na bɛfa bɛ ngondombo bɛma atitirefoɛ mɔ koso bɛ nye gye.

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Mateo 18:13

Na sɛ onwu ye a, nahorɛ nu, mekã mekyire ɛmɔ kyɛ, onya anika wɔ boaen ko ne nwo tra aburahona ne ngona bɔ bɛ de bammini ne nwo.

Luka 22:5

Ɔyɛle bɛ fɛ, na bɛ ne ye bɛhyehyɛle kyɛ bɛkɔfa ye nwo sikaa bɛkɔma ye.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

Filipifoɛ 1:18

Onhia po! Atee biala so, kyɛ bɛpati bɛyɔ oo, anaakyɛ bɛyɔ ye nahorɛ nu oo, Kristo nwo dwirɛ komapɛ ne ala yeɛ bɛkã ɔ; na ɛhe maa medi ahurusi, amba, ngɔhɔ so ngoli ahurusi.

Filipifoɛ 1:4

Daa biala, me mbaeɛbɔlɛ amukoraa nu, mebɔ mbaeɛ mema ɛmɔ amukoraa wɔ anigye so;

Filipifoɛ 3:18

Mali moa mahã edwirɛ he mahyire ɛmɔ pee paa, na kekesaala ye koso, nne me nye moen mesi so bieku kyɛ, mmenia pee wɔ berɛ bɔ bɛ brabɔlɛ maa bɛyɛ Kristo mmeamudua ne pɔfoɛ ɔ.

2 Tɛsalonika 2:12

Yiti bekobua bɛ bɔ banne nahorɛ ne banni, na mmom bɛ nye gye bɔ ɔndengyɛ nwo ne amukoraa ndɛen.

2 Yohane 1:4

Ɔyɛle me fɛ paa, kyɛ nwuni kyɛ wɔ mma nemɔ bie nate nahorɛ ne anu kyɛbɔ Baba ne hyɛle yɛ ne ala.