1 Korintofoɛ 13:5 - AHYERƐLƐ KRONGRON

⁵ Ɔdɔ mma ye nye ndra ye ndo nwiaa, ɔtte pɛsɛmangomenya, ɔmvɛ yaa mbaen mbaen, yeɛ ɔmva bɔne nzie ye ti anu.

1 Korintofoɛ 13:5 Iomraidhean Croise

2 Samuel 10:3

Amon mbanyi sele bɛ mene Hanun kyɛ, “Dawide somanɛ bɔ wasoma mmenia kyɛ bɛɛyɛ wɔ yaakɔ ye, ɛnwa nzɛ anidie yeɛ ɔfa ma wɔ baba ɔ? Aso nna kuro ye anu neanealɛ, ye sralɛ, ɔne so ngonimlilɛ ti yeɛ Dawide atu ɛbɔfoɛ maa bawa wɔ wa ye?”

YOB NWOMAA NE 21:27

“Nea, manwu ɛmɔ adwene, ɔne porɛ bɔ ɛmɔabɔ bafa me nwo ɔ.

Anyandera 14:17

Sona bɔ ye ahone pingye ye ne, ɔyɔ ye nningyein ngwaseaa nu, yeɛ kanda sona koso, mmenia kyi ye.

Yesaya 3:5

Mmenia kɔhyɛ bɛ mmango so, bɛkɔhyɛ bɛ biɛngo so, ebiala kɔhyɛ obiɛngo so. Mmerandeɛ ne ndaluwa bɛ nye ngɔsɔ mbanyi, yeɛ kwahweabaa koso ye nye ngɔsɔ animnyamniɛ.

Yeremia 11:19

Nakoso né nde kyɛ boaen akrɔngrɔma brɛfo bɔ bɛ́fa ye bɛ́kɔ akumyɛɛ ɔ. Na né menze kyɛ babɔ me ti so porɛ kyɛ, “Ɛ́mɔma yɛsɛkye bakaa ne, ɔne ye mma ne, ɛ́mɔma yɛ́bu ye yɛ́fi ateasefoɛ aseɛ so, amaa ɔnate so bangaye ye dumaa ko!”

Numeri 12:3

Né Mose odwo tra sona biala bɔ ɔwɔ aseɛ ye aso ɔ.

Numeri 16:15

Mose fɛle yaa paa, na osele AWURADE kyɛ, “Nnɛde b’afɔleɛ ne to nu. Nnnele afunum ko po mmvili bɛ berɛ, yeɛ nnyɔle bɛ nu biala tɛɛ.”

Numeri 32:6

Nakoso Mose bisale Gadefoɛ ne Rubenfoɛ kyɛ, “Aso odi kyɛ ɛmɔ aliɛma mɔ kɔ koɛ ma ɛmɔ de ɛmɔtena wa?

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

1 Korintofoɛ 10:24

Ɔnzɛ kyɛ sona biala dwene ye ngome ye deɛ nwo, na mmom ɔsɛ kyɛ ɔma obiɛngo koso deɛ nwo hia ye.

1 Korintofoɛ 10:33

kyɛbɔ mebɔ mmɔden kyɛ ngɔsɔ mmenia mukoraa nye wɔ nikyee biala nu ne. Membena me ngome me yeeyɛlɛ, na mmom mmeni soma yeeyɛlɛ, kyɛbɔ bekonya daa ngoa ɔ.

1 Korintofoɛ 11:18

Bɔ oli moa ɔ, sɛ ɛmɔyia nu kyɛ asɔre a, mete kyɛ mbakyembakyemuɛ ba ɛmɔ nu, na mede medi kyɛ bɛ nu bie te nahorɛ.

1 Korintofoɛ 12:25

amaa mbakyembakyemuɛ amma nipadua ne anu, na mmom akwaa biala nwo ahia ama obiɛngo.

1 Korintofoɛ 7:36

Sɛ ebie bɔ asiwa ná asiwa ne so agyaa, ná sɛ biaa ne ngora nhyɛ ye nwo so wɔ ye asiwa ne anwo a, maa begya bɛ nwo, kyɛbɔ biaa ne pena ne ala. Ɔtte bɔne.

2 Korintofoɛ 5:19

kyɛ, Nyameɛ nate Kristo so wahwe ewiase wabata ye nwo, wammu bɛ bɔne nwo ngondaa wandia bɛ, na wafa ngabonu he nwo dawurebɔlɛ wawura yɛ sa.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Filipifoɛ 2:21

Bɛ mukoraa bɛpena bɛ bɔbɔ bɛ deɛ, na mmom nna bɔ ɔte Yesu Kristo deɛ ɔ.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

2 Tɛsalonika 3:7

Na ɛmɔ bɔbɔ ɛmɔse kyɛ ohia kyɛ ɛmɔsuasua yɛ ɔ, ofikyɛ mmerɛ bɔ né yɛwɔ ɛmɔ berɛ ne, yanyɛ foen;

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.

2 Timoteo 4:16

Na mmerɛ bɔ né meye me noa bɔ oli moa mefa mesa me nwo ne, ebiala wammangyina me si; bɛ mukoraa bɛyakyili me nu bɛhɔle. Na mesrɛ kyɛ nnɛmaa benya ye nwo asohwenɛ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;