1 Korintofoɛ 13:2 - AHYERƐLƐ KRONGRON

² Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Korintofoɛ 13:2 Iomraidhean Croise

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 21:19

Na onwuni borɔdoma bakaa bie wɔ atee ne noa, ɔhɔle ye nwo berɛ, na wannwu hwee wɔ so, sana nyaa ngome. Na osele bakaa ne kyɛ, “Engosu mmaa ko le!” Na berɛ ne ala, borɔdoma bakaa ne wuli.

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 15:14

Aliɛmaa mɔ, me bɔbɔ mede meto nu kyɛ paayɛlɛ ali ɛmɔ ti, kyɛ ɛmɔle nimdeɛ amukoraa, na ɛmɔkora betutu ɛmɔ nwo foɛ.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

1 Korintofoɛ 11:4

Bienzua biala bɔ ɔbɔ mbaeɛ anaa ɔhyɛ ngɔm ná ɔkata ye ti so ne, onni ye mene ni.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 13:1

Sɛ mekã mmenia ne abɔfo mɔ dwudwolɛ ahoroɔ ná nnne ɔdɔ a, né nde kyɛ ayaa bɔ ɔgyegye mbaen anaakyɛ akasaa bɔ ɔwoso mbaen ɔ.

1 Korintofoɛ 13:3

Sɛ mefa me nwo nningyein mukoraa mekyɛ, na mefa me nipadua mema kyɛ bɛyera ye, na nnne ɔdɔ a, mennya mvasoɛ biala so.

1 Korintofoɛ 13:8

Ɔdɔ bo ngɔpɛ le, nakoso ngɔmhyɛlɛ bo kɔpɛ, edwudwolɛ ahoroɔ kɔpɛ nu kɔhɔ, yeɛ nimdeɛ koso kotu komini.

1 Korintofoɛ 14:29

Na ngɔmhyɛlɛfoɛ ne de, ma mmenia nyɔ anaa nza bedwudwo, na bɛ ngaa ne bua edwirɛ ne nwo ndɛen.

1 Korintofoɛ 14:39

Yiti aliɛmaa mɔ, ɛmɔma ɛmɔ nye boro ngɔmhyɛlɛ nwo, yeɛ nnɛmaa ɛmɔsi edwudwolɛ ahoroɔ hanɛ nwo ate.

1 Korintofoɛ 14:4

Sona bɔ ɔkã edwudwolɛ bɔ ebie nde ye bo nen, ɔyɔ sɔ ma ye bɔbɔ ye ngɔsoɛ; nakoso bɔ ɔhyɛ ngɔm ne de, ɔyɔ sɔ ma asɔre ne ngɔsoɛ.

1 Korintofoɛ 15:51

Ɛmɔtie, mekã mvealeɛ nu dwirɛ mekyire ɛmɔ; yɛ mukoraa yɛngɔlela, na yɛkɔkakyi.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

1 Korintofoɛ 4:1

Odi kyɛ ebiala bu yɛ kyɛ yɛte Kristo asomvoɛ ne Nyameɛ mvealeɛ nu dwirɛ so neafoɛ.

1 Korintofoɛ 7:19

Ofikyɛ bapɛ wɔ bienzua oo, bɛppɛle wɔ bienzua oo, onhia; na mmom Nyameɛ mmeraa ne aso lilɛ yeɛ ohia ɔ.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.

Galatiafoɛ 5:16

Bɔ mekã ɛhe: ɛ́mɔnate Sunzum nu, na nnɛma ɛmɔdi anwoɔnaen akɔnnɔ si.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Galatiafoɛ 6:3

Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

Ɛfesofoɛ 3:4

Na sɛ ɛmɔkenga he a, ɛmɔkonwu kyɛbɔ mesi mete Kristo mvealeɛ nu dwirɛ ne bo ɔ,

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Kolosefoɛ 1:26

mvealeɛ nu dwirɛ bɔ ofi tete ne aworɛ ndoatoasoɛ so bafa bafea ɔ, nakoso kekesaala ye de baye bahyire anwoteefoɛ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

1 Yohane 4:8

Nakoso ebiala bɔ olle ɔdɔ ne, ɔnze Nyameɛ, ofikyɛ Nyameɛ te ɔdɔ.