1 Korintofoɛ 13:13 - AHYERƐLƐ KRONGRON

¹³ Afei nningyein nza yeɛ bɛwɔ berɛ ɔ: gyidie, anyelasoɛ, yeɛ ɔdɔ, nakoso ɔdɔ di mu tra bɛ mu.

1 Korintofoɛ 13:13 Iomraidhean Croise

Edwein 146:5

Sona bɔ ye bokafoɛ ole Yakob Nyameɛ, bɔ ye wora wura AWURADE ye Nyameɛ nu ne, onya saleɛ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Luka 10:27

Yeɛ obuale kyɛ, “Fa w’ahone amukoraa ne wɔ kra amukoraa ne w’anwoserɛ amukoraa ne w’adwene amukoraa kuro Awurade wɔ Nyameɛ dwirɛ; ná kuro ebiɛngo dwirɛ kyɛ wɔ bɔbɔ wɔ nwo.”

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

1 Korintofoɛ 14:1

Ɛ́mɔma ɔdɔ yɛ ɛmɔ botaeɛ, ná ɛ́mɔma ɛmɔ nye boro bɛpena sunzum akyɛdeɛ, ye titire, kyɛ ɛmɔkɔhyɛ ngɔm ɔ.

1 Korintofoɛ 16:14

Ɛ́mɔfa ɔdɔ bɛyɔ ɛmɔ nningyein mukoraa.

1 Korintofoɛ 3:14

Sɛ ebie adwuma bɔ wayɔ wafa watoa fapem ne aso kora gyina see ne noa a, okonya ye nwo akatuaa.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

2 Korintofoɛ 5:15

Owu mane mmenia mukoraa, amaa bɛ bɔ bɛte ase ne bandena bamma bɛ nwo ko, na mmom batena bama bɔ bɛ ti owuli ná otingyele ne.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Filipifoɛ 1:9

Na me mbaeɛ ole kyɛ, ɔdɔ bɔ ɛmɔle ye ne ɔkɔhɔ so konyi wɔ nimdeɛ ne ndeaseɛ amukoraa nu,

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Kolosefoɛ 3:14

Bɔ ɔtra so ɔ, ɛ́mɔye ɔdɔ behyire, na ɛhe yeɛ ɔkã nningyein mukoraa bɔ nu maa bedi mu ɔ.

1 Tɛsalonikafoɛ 1:3

Na mmerɛ biala yɛkaye ɛmɔ gyidie adwuma, ɔne ɛmɔ adwumayɔlɛ bɔ ofi ɔdɔ nu, ɔne ɛmɔ anyelasoɛ bɔ ogyi berɛ pindinn wɔ y’Awurade Yesu Kristo nu ne, wɔ yɛ Baba Nyameɛ nyunu.

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

2 Timoteo 1:7

ofikyɛ Nyameɛ amma yɛ esurolɛ sunzum, na mmom tumi ne ɔdɔ ne anwohyɛsoɛ sunzum.

Hebrifoɛ 10:35

Yiti nnɛmɔma ɛmɔ abasanu bu, ofikyɛ ye nwo akatuaa piri bie wɔ berɛ.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

Hebrifoɛ 6:11

Na yɛpena kyɛ ɛmɔ nu biala kɔ so bɔ mmɔden sɔ ala kɔ ayieleɛ, amaa ɛmɔ sa ahã bɔ ɛmɔ nye la so ne.

Hebrifoɛ 6:19

Na anyelasoɛ he te sɛkyɛ bɔ otira yɛ kra nu ɔ; ɔnde, na ɔkɔworo ɛtena bɔ onwi nyameɛso Asɔneyɛɛ sua ne anu kɔ Krongron nu Krongron ne anu.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Yohane 2:10

Sona bɔ okuro oliɛma dwirɛ ne te kanea ne anu, na nikye fee nne ye nu bɔ ɔto ebie sundidua ɔ.

1 Yohane 2:14

Ngya mɔ, mahyerɛ he mabrɛ ɛmɔ, ofikyɛ ɛmɔse bɔ né ɔwɔ berɛ ahyɛaseɛ ne. Mmerandeɛ mɔ koso mahyerɛ he mabrɛ ɛmɔ, ofikyɛ ɛmɔatindim, Nyameɛ dwirɛ ne te ɛmɔ nu, na ɛmɔali bɔnefoɛ ne so ngonim.

1 Yohane 2:24

Yiti ɛ́mɔma edwirɛ bɔ ɛmɔate bafi ahyɛaseɛ ne ɔtena ɛmɔ nu. Na sɛ bɔ ɛmɔate bafi ahyɛaseɛ ne tena ɛmɔ nu a, ɛmɔ koso ɛmɔkɔtena Baa ne ne Baba ne nu daa.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.

1 Yohane 3:9

Ebiala bɔ Nyameɛ awo ye ne, ɔnyɔ bɔne, ofikyɛ ye sue ne te ye nu, na ɔngora nyɔ bɔne, ofikyɛ Nyameɛ yeɛ wawo ye ɔ.