1 Korintofoɛ 13:12 - AHYERƐLƐ KRONGRON

¹² Kekesaala ye de, yɛnwu nikyee wusiwusi wɔ neanu nu. Nakoso kyẽa bie yɛkonwu ye pefee. Kekesaala ye de, bɔ mese ne onni mu, nakoso kyẽa bie okoli mu kyɛbɔ Nyameɛ koso se me ne.

1 Korintofoɛ 13:12 Iomraidhean Croise

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

YOB NWOMAA NE 19:26

Na sɛ anwonyerɛ didi me wereɛ sɛkye ye yie a, ndɛ wɔ anwoɔnaen nu ye de, ngonwu Nyameɛ.

YOB NWOMAA NE 36:26

Tie, kyɛbɔ Nyameɛ si te piri ne, yɛngɔhora ngonwu ye ngoyie, na ye afoɛ somaa de, ɔbo sona ndeaseɛ so.

Ɛksadɔso 33:11

Né AWURADE nate sɔ atee he aso ogyina Mose nyunu ɔne ye bedwudwo, kyɛbɔ sona ne obiɛngo bedwudwo ne ala. Na sɛ Mose sá ba asikyeleɛ ne anu a, ye bokafoɛ aberandeɛ Yosua bɔ ɔte Nun awa ne, ye de ɔka ɛtena sua ne anu dɔ.

Hesekiel 17:2

“Sona awa, kã Nana Nyameɛ nikyee bie bɔ ɔwɔ berɛ ɔ nwo dwirɛ, ná ka mvandoho dwirɛ kyire Yisraelfoɛ.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Yohane 10:15

kyɛbɔ Baba ne se me, ná me koso mese Baba ne nen; na mefa me ngoa meto berɛ mema mmoaen ne.

Romanfoɛ 8:18

Mebu amaneɛ bɔ yɛnwu ye kekesaala ye ne kyɛ, yɛngora yɛngɔfa ngɔtoto animnyam bɔ bɛbaala ye ali bekyire yɛ ne anwo.

1 Korintofoɛ 13:11

Mmerɛ bɔ né nde akwadaa ne, ndwudwole kyɛ akwadaa, ndwenene kyɛ akwadaa, me ndeaseɛ yɛle kyɛ akwadaa. Nakoso nyɛle panyi ye de, mayakyi ngwadasɛm ne.

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 5:7

ofikyɛ gyidie yeɛ yɛfa yɛnate ɔ, nna bɔ anyeɛ nwu ye ɔ.

Filipifoɛ 3:12

Nna kyɛ ebiaa me sa anya ahã ye, anaakyɛ mali mu mayie ɔ; na mmom mepere mekɔ me nyunu kyɛbɔ ɔkɔyɛ me deɛ ɔ, kyɛbɔ Kristo Yesu koso wafa me wayɛ ye deɛ ne.

Yakobo 1:23

Ofikyɛ sɛ ebie te edwirɛ ne tiefoɛ, ná ɔnyɔ bɔ edwirɛ ne kã ne a, ɔte kyɛ sona bɔ ɔnea ye nyunu sue neanu nu ɔ.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

Nyekyire 22:4

Bekonwu ye nyunu, na ye dumaa kɔbobɔ bɛ nwoma so.