1 Korintofoɛ 13:1 - AHYERƐLƐ KRONGRON

¹ Sɛ mekã mmenia ne abɔfo mɔ dwudwolɛ ahoroɔ ná nnne ɔdɔ a, né nde kyɛ ayaa bɔ ɔgyegye mbaen anaakyɛ akasaa bɔ ɔwoso mbaen ɔ.

1 Korintofoɛ 13:1 Iomraidhean Croise

Edwein 150:5

Ɛ́mɔbɔ dawure mɔ nu bɛ́ye ye ayɛ, ɛ́mɔfa dawuta bɔ ɔgyegye serɛserɛ ɔ bɛ́ye ye ayɛ!

Mateo 25:45

Na okobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔanyɔ bamma ɛhemɔ nu kaaba ko po ne, me yeɛ ɛmɔanyɔ bamma me ɔ.’

Marko 16:17

Na bɛ bɔ bede bedi ne, nzɛngyerɛnneɛ hemɔ yeɛ okoli bɛ si ɔ: Me dumaa nu, bekotutu sunzummɔne mɔ; bɛkɔhã edwudwolɛ foforɛ mɔ;

Romanfoɛ 14:15

Sɛ aleɛ bɔ edi ne ma ebiɛngo di aworabɔlɛ a, ye de né engyire ɔdɔ ko. Nnɛfa w’aleɛ bɔ edi ne sɛkye ebiɛngo bɔ Kristo wu mane ye ne.

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 12:16

Na sɛ asoɛ kã kyɛ, “Me de, nnde anyeɛ, yiti mmmoka nipadua ne aso” a, ɛhe ngyire kyɛ ɔbboka nipadua ne aso.

1 Korintofoɛ 12:8

Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

1 Korintofoɛ 13:8

Ɔdɔ bo ngɔpɛ le, nakoso ngɔmhyɛlɛ bo kɔpɛ, edwudwolɛ ahoroɔ kɔpɛ nu kɔhɔ, yeɛ nimdeɛ koso kotu komini.

1 Korintofoɛ 14:2

Ɔnate kyɛ sona bɔ ɔkã edwudwolɛ bɔ ebie nde ye bo ne, ondwudwo ngyire mmenia, na mmom odwudwo kyire Nyameɛ, ofikyɛ ebiala nde ye dwirɛ ne bo; nakoso Sunzum ne nate ye so kã mvealeɛ nu dwirɛ.

1 Korintofoɛ 14:4

Sona bɔ ɔkã edwudwolɛ bɔ ebie nde ye bo nen, ɔyɔ sɔ ma ye bɔbɔ ye ngɔsoɛ; nakoso bɔ ɔhyɛ ngɔm ne de, ɔyɔ sɔ ma asɔre ne ngɔsoɛ.

1 Korintofoɛ 14:5

Mekuro kyɛ ahaa ɛmɔ amukoraa bɛkã edwudwolɛ ahoroɔ, nakoso bɔ mekuro paa ole kyɛ ɛmɔkɔhyɛ ngɔm ɔ. Ofikyɛ sona bɔ ɔhyɛ ngɔm ne, ɔyɔ sɔ fa ngɔsoɛ brɛ asɔre ne tra bɔ ɔkã edwudwolɛ ahoroɔ ɔ; sana bekyire edwirɛ ne bo koraka né asɔre ne anya ngɔsoɛ.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

2 Korintofoɛ 12:4

Na berɛ yeɛ ɔtele edwirɛ bɔ kuro sona ngora nga bie, yeɛ atee koso nne berɛ kyɛ ɔkã ɔ.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.