1 Korintofoɛ 12:8 - AHYERƐLƐ KRONGRON

⁸ Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

1 Korintofoɛ 12:8 Iomraidhean Croise

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

YOB NWOMAA NE 32:8

Nakoso sunzum bɔ ɔwɔ sona nu ne, Tuminiɛ ne, ye nwomeɛ bɔ ɔwɔ sona nu ne yeɛ ɔma sona nwu nworɛ ɔ.

Edwein 143:10

Kyirekyire me maa nyɔ w’apɛdeɛ, ofikyɛ wɔ yeɛ ɛte me Nyameɛ ɔ. Ma wɔ Sunzum paa ne oli me nyunu, maa ɔfa me fa atimbire frɛtɛɛ so.

Ɛksadɔso 31:3

na mafa Nyameɛ Sunzum mawura ye nu maa wanya ndeaseɛ, nworɛ ne nimdeɛ wɔ adwiililɛ mukoraati nu;

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Yesaya 59:21

“Na me de, m’apam bɔ me ne bɛ yayɛ hɔ ɛne, AWURADE noa dwirɛ ɛne: Me sunzum bɔ ɔwɔ wɔ so, yeɛ me dwirɛ bɔ mafa matua wɔ noa ne, ɛngɔyakyi ye hanɛ, wɔ bosofoɛ ngɔyakyi ye hanɛ, yeɛ wɔ bosofoɛ bɛ bosofoɛ ngɔyakyi ye hanɛ, ofi ɛnɛ bɔ ɔkwaadwu afebɔɔ ɔ, AWURADE noa dwirɛ ɛne.”

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Romanfoɛ 15:14

Aliɛmaa mɔ, me bɔbɔ mede meto nu kyɛ paayɛlɛ ali ɛmɔ ti, kyɛ ɛmɔle nimdeɛ amukoraa, na ɛmɔkora betutu ɛmɔ nwo foɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 1:5

Na nikyee biala nu ɛmɔanya bɛ nwo wɔ Kristo nu, ebie te kyɛ edwudwolɛ amukoraa ne nimdeɛ mukoraa nu.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Korintofoɛ 13:8

Ɔdɔ bo ngɔpɛ le, nakoso ngɔmhyɛlɛ bo kɔpɛ, edwudwolɛ ahoroɔ kɔpɛ nu kɔhɔ, yeɛ nimdeɛ koso kotu komini.

1 Korintofoɛ 14:26

Aliɛmaa mɔ, mekyire sɛɛ koraa? Sɛ ɛmɔyia nu a, ebie le edwein to, ebie le ngyerɛkyerɛ kyire, ebie le edwudwolɛ ahoroɔ kã, ebie le nyekyire, ebie le edwudwolɛ ahoroɔ nwo ngyerɛaseɛ. Ɛmɔma ebiala yɔ ye deɛ bɔ ɔma ngɔsoɛ ɔ.

1 Korintofoɛ 14:6

Yiti aliɛmaa mɔ, sɛ meba ɛmɔ berɛ ná mekã edwudwolɛ ahoroɔ a, mvasoɛ beni yeɛ ɛmɔkonya bekofi me nwo ɔ? Sana mefa nyekyire anaa nimdeɛ anaa ngɔmhyɛlɛ anaa ngyerɛkyerɛ so yeɛ medwudwo mekyire ɛmɔ ɔ.

1 Korintofoɛ 2:11

Nwa yeɛ ɔse kuro sona ti anu dwirɛ ɔ? Sana sɔ sona ne sunzum bɔ ɔte ye nu ne. Sɔ ala yeɛ ebiala koso nze Nyameɛ ti anu dwirɛ ɔ, sana Nyameɛ Sunzum ne yeɛ ɔse ɔ.

1 Korintofoɛ 2:16

“Na nwa yeɛ ɔse Awurade ti anu dwirɛ ná watu ye foɛ ɔ?” Nakoso yɛ de, yɛle Kristo adwene.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 11:6

Na sɛ me noa yeɛ ɔttele po a, nimdeɛ nu de mebɔ mmɔden; na nikyee biala nu yala ɛhe ali yahyire ɛmɔ wɔ atee biala so.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

2 Korintofoɛ 6:6

anwotelɛ bra nu, nimdeɛ nu, animia nu, paayɛlɛ nu, Sunzum Krongron nu, ɔdɔ kaenn nu,

2 Korintofoɛ 8:7

Na kyɛbɔ ɛmɔbɔ mmɔden mmorosoɛ wɔ nikyee biala nu: gyidie nu, edwudwolɛ nu, nimdeɛ nu, mmɔdenbɔlɛ nu, ɔne kyɛbɔ ɛmɔsi bekuro yɛ dwirɛ ɔ nu ne, ɛ́mɔnea kyɛ sɔ adɔeɛ adom he koso ɛmɔkɔfa bɛkɔyɔ adwuma mmorosoɛ ɔ.