1 Korintofoɛ 12:6 - AHYERƐLƐ KRONGRON

⁶ Dwumadie koso gua ahoroɔ, nakoso Nyameɛ komapɛ ne ala yeɛ ɔfa yɛ mukoraa so odi dwumaa ne ɔ.

1 Korintofoɛ 12:6 Iomraidhean Croise

YOB NWOMAA NE 33:29

“Amba, ɛhemɔ amukoraa, Nyameɛ yeɛ ɔyɔ ɔ, na ɔyɔ ye mmerɛ pee ɔma sona,

Yohane 5:17

Na Yesu buale bɛ kyɛ, “Me Baba gu so ɔyɔ adwuma maa waadwu bekye, na me koso méyɔ adwuma.”

1 Korintofoɛ 12:11

Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Korintofoɛ 12:5

Ɛsolɛ nnwumaa gua ahoroɔ, nakoso ofi Awurade komapɛ ne ala berɛ.

1 Korintofoɛ 15:28

Na sɛ bɛfa nningyein mukoraa bewura ye bo beyie a, afei yeɛ né Baa ne bɔbɔ koso kɔfa ye nwo kowura bɔ ɔfale nningyein mukoraa wurale ye bo ne bo ɔ, ná afei Nyameɛ ali nningyein mukoraa so hene.

1 Korintofoɛ 3:7

Yiti bɔ oluale ne, ɔne bɔ oguaguale so nzue ne, bɛ de bɛtte huu; na mmom Nyameɛ bɔ ɔmaa onyini ne yeɛ ɔte piri ɔ.

Ɛfesofoɛ 4:6

yɛ mukoraa yɛ Nyameɛ ne Baba komapɛ bɔ odi yɛ mukoraa so ɔ, odi dwumaa wɔ yɛ mukoraa nu, na ɔte yɛ mukoraa nu.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.