1 Korintofoɛ 12:2 - AHYERƐLƐ KRONGRON

² Ɛmɔse kyɛ mmerɛ bɔ né ɛmɔte wiasefoɛ nen, ɛmɔmaa bɛlakalakale ɛmɔ maa ɛmɔhyinini mmosoen emumu mɔ so.

1 Korintofoɛ 12:2 Iomraidhean Croise

Edwein 115:5

Bele noa, nakoso bɛngora dwudwo, bele anyeɛ, nakoso bennwu nikye.

Edwein 115:7

Bele asaa, nakoso bɛngora bɛnzɔ nikyee nu; bele agyirɛ, nakoso bɛngora nate, yeɛ bɛngora bɛmva bɛ komvi bendwudwo.

Edwein 135:16

Bele noa, nakoso bendwudwo, bele anyeɛ, nakoso bennwu nikye,

Yesaya 46:7

Bɛfa ye besie bɛ kɔme anwo, bɛsoa ye, besikye ye besie ye boso, berɛ ala yeɛ ogyi ɔ; na ɔngora ndu ye bo mvi nekaa bɔ ogyi ne. Sɛ sona sũ frɛ ye a, ɔngora ndɛ ye so, yeɛ ɔngora mbepɛ nnne ye mvi ye amaneɛ nu.

Yeremia 10:5

Bɛ mmosoen nemɔ, bɛte kyɛ kakaammotobi bɔ bɛfa benwunanwuna fieso nnomaa ɔ; bendwudwo; odi kyɛ bɛsoa bɛ, ofikyɛ bɛngora nate. Nnɛma ɛmɔsuro bɛ, ofikyɛ bɛngɔhora bɛngɔyɔ ɛmɔ bɔne biala, yeɛ bɛngora bɛnyɔ nikye paa biala.”

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Galatiafoɛ 4:8

Daa ne bɔ né ɛmɔnze Nyameɛ nen, ɛmɔyɛle ngoaa bɛmane abɔdeɛ mɔ bɔ nna nyameɛ mɔ ahɔ ɔ.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.