1 Korintofoɛ 12:11 - AHYERƐLƐ KRONGRON

¹¹ Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Korintofoɛ 12:11 Iomraidhean Croise

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Mateo 11:26

Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Yohane 3:8

Mvrama bɔ kɔ nekaa bɔ okuro ɔ, na ɛte ye nga; nakoso ɛnze nekaa bɔ ofi ba ɔ, anaa nekaa bɔ ɔkɔ ɔ. Sɔ ala yeɛ ebiala bɔ bawo ye Sunzum nu ne ɔte ɔ.”

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Romanfoɛ 12:6

Yiti ɛ́mɔma yɛfa yɛ adom akyɛdeɛ ahoroɔ ne yɛyɛ adwuma kyɛbɔ Nyameɛ alo yɛ ɔ. Sɛ ɔte ngɔmhyɛlɛ a, ɛmɔma yɛhyɛ ngɔm kyɛbɔ yɛ gyidie te ɔ;

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

1 Korintofoɛ 12:18

Na nekaa bɔ Nyameɛ kuro biala yeɛ ɔfale nipadua akwaa biala tuale ɔ.

1 Korintofoɛ 12:4

Adom akyɛdeɛ gua ahoroɔ, nakoso Sunzum komapɛ ne ala yeɛ ɔfa ma ɔ.

1 Korintofoɛ 12:6

Dwumadie koso gua ahoroɔ, nakoso Nyameɛ komapɛ ne ala yeɛ ɔfa yɛ mukoraa so odi dwumaa ne ɔ.

1 Korintofoɛ 7:17

Kyɛbɔ né ebiala si te bɔ Nyameɛ frɛle ye ne, ma sɔ sona ne ɔhɔ so bɔ ye bra kyɛbɔ Awurade ahyire ye ɔ. Nhyehyɛleɛ he yeɛ mayɔ mama asɔre biala ɔ.

1 Korintofoɛ 7:7

Ɔhale me ngome a, ahaa mmenia amukoraa bɛte kyɛ me, nakoso ebiala le ye ti anwo adom akyɛdeɛ bɔ Nyameɛ afa ama ye ɔ; asora ebiala deɛ.

2 Korintofoɛ 10:13

Nakoso yɛ de, yɛngɔhoahoa yɛ nwo ma ɔngɔbo so, na mmom kyɛbɔ asusudeɛ bɔ Nyameɛ afa ama yɛ kyɛ yɛdwu ɛmɔ berɛ ne ɔte ne ala.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 4:7

Nakoso bafa adom balo yɛ nu biala, kyɛbɔ Kristo asusu ye akyɛdeɛ wafa wama ɔ.

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.