1 Korintofoɛ 11:6 - AHYERƐLƐ KRONGRON

⁶ Na sɛ brasua angata ye ti so de a, ye de maa ɔtete ye ti; nakoso sɛ ɔte animguaseɛ ma brasua kyɛ ɔkɔtete ye ti, anaakyɛ ɔkɔbɔ tikwa a, ye de maa ɔkata so.

1 Korintofoɛ 11:6 Iomraidhean Croise

Numeri 5:18

Odi kyɛ ɔsɔfo ne fa braa ne bagyina AWURADE nyunu, ɔsangye braa ne ti nwiaa, ná ngayeɛ aburoo afɔleɛ bɔ ɔte nungunɛhwenɛ aburoo afɔleɛ ne, ɔ́fa wura braa ne sa nu. Odi kyɛ ɔsɔfo ne bɔbɔ otira nzue weewee bɔ ɛnomalɛ wɔ nu ne.

Asomafoɛ 18:18

Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa, wɔ Kɛnkrea, ɔnate kyɛ né wabɔ anohoba.

1 Korintofoɛ 11:5

Nakoso brasua biala bɔ ɔbɔ mbaeɛ anaakyɛ ɔhyɛ ngɔm ná wangata ye ti so ne, onni ye mene ni; na ɔte kyɛ wabɔ tikwa ne ala.

1 Korintofoɛ 11:7

Bienzua de, onhia kyɛ ɔkata ye ti so ɔ, ɔnate ɔte Nyameɛ animnyam ne ye sue; nakoso brasua de, ɔye bienzua animnyam kyire.

Deuteronomi 22:5

“Nnɛma brasua fa bienzua nikyee wura, yeɛ nnɛma bienzua fa brasua tena kera; ofikyɛ ebiala bɔ ɔyɔ sɔ nningyein nen, wayɛ ye nwo akyiwadeɛ wama AWURADE.