1 Korintofoɛ 11:5 - AHYERƐLƐ KRONGRON

⁵ Nakoso brasua biala bɔ ɔbɔ mbaeɛ anaakyɛ ɔhyɛ ngɔm ná wangata ye ti so ne, onni ye mene ni; na ɔte kyɛ wabɔ tikwa ne ala.

1 Korintofoɛ 11:5 Iomraidhean Croise

Yesaya 47:2

Fa nyɔboɛ mɔ bɔ beti so ɔ ná ti atokoɔ, ye wɔ ngatanyunu ne, dwa wɔ tena aguasoɛ ne gua berɛ, ma wɔ sɔ nwo gua berɛ, pɛ asue nemɔ.

Luka 2:36

Né ngɔmhyɛlɛniɛ braa bie bɔ bɛfrɛ ye Ana ɔ ɔwɔ berɛ bie. Ɔte Fanuel bɔ ofi Asɛ abusua nu ɔ ɔwa. Né wanyi paa, na ogyale biaa wɔ ye ababunu nu ɔne ohu bɛtenane afoɛ nzoo.

Asomafoɛ 2:17

‘Nyameɛ nwa: Na ɔkɔwa kyɛ, ngyẽa bɔ oli nziɛ ne anu, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mmrasua kɔhyɛ ngɔm; ɛmɔ mmerandeɛ mɔ konya nyekyire, na ɛmɔ mbanyi mɔ kɔhyehye laleɛ;

Asomafoɛ 21:9

Né ole mmaa mmrasua nna. Bɛte mmabunu bɔ bɛhyɛ ngɔm ɔ.

1 Korintofoɛ 11:4

Bienzua biala bɔ ɔbɔ mbaeɛ anaa ɔhyɛ ngɔm ná ɔkata ye ti so ne, onni ye mene ni.

1 Korintofoɛ 11:6

Na sɛ brasua angata ye ti so de a, ye de maa ɔtete ye ti; nakoso sɛ ɔte animguaseɛ ma brasua kyɛ ɔkɔtete ye ti, anaakyɛ ɔkɔbɔ tikwa a, ye de maa ɔkata so.

1 Korintofoɛ 14:34

ɛ́mɔma ɛmɔ mmrasua mɔ bemua bɛ noa wɔ asɔre mɔ nu. Ofikyɛ belle ye nwo ate kyɛ bedwudwo ɔ, na mmom bɛbrɛ bɛ nwo ase kyɛbɔ mmeraa ne kã ne.

Deuteronomi 21:12

ye de fa ye bra w’awuro, ná maa ɔpoa ye ti, ná obubu ye sa ne ye gya boen.