1 Korintofoɛ 11:4 - AHYERƐLƐ KRONGRON

⁴ Bienzua biala bɔ ɔbɔ mbaeɛ anaa ɔhyɛ ngɔm ná ɔkata ye ti so ne, onni ye mene ni.

1 Korintofoɛ 11:4 Iomraidhean Croise

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

2 Samuel 19:4

Nana Dawide katale ye nyunu, na ɔteane nu suni kyɛ, “Yieee, mma Absalom, Ao Absalom, mma ye, mma ye!”

Mika 7:6

Ofikyɛ baa bienzua bu seɛ animtia, yeɛ baa brasua dwɔso tia oni; sia brasua dwɔso tia ye sia brasua, sona ye pɔfoɛ mɔ ole ye bɔbɔ deinn ye awuro ama.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

1 Korintofoɛ 11:14

Aso abɔdeɛ po ngyire ɛmɔ kyɛ sɛ bienzua ti fu gua ye nwo a ɔte animguaseɛ ma ye ɔ?

1 Korintofoɛ 11:5

Nakoso brasua biala bɔ ɔbɔ mbaeɛ anaakyɛ ɔhyɛ ngɔm ná wangata ye ti so ne, onni ye mene ni; na ɔte kyɛ wabɔ tikwa ne ala.

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Tɛsalonikafoɛ 5:20

nnɛma ɛmɔbu ngɔmhyɛlɛ animtia,