1 Korintofoɛ 10:7 - AHYERƐLƐ KRONGRON

⁷ Nnɛma ɛmɔso bosoen kyɛbɔ bɛ nu biemɔ yɔle ne, kyɛbɔ bahyerɛ kyɛ, “Mmenia ne tenane ase bedidili bɛnone ná bedwɔso begole.”

1 Korintofoɛ 10:7 Iomraidhean Croise

Ɛksadɔso 32:17

Na mmerɛ bɔ Yosua tele kyɛ mmenia nemɔ bɛ́bɔ ese nen, osele Mose kyɛ, “Koɛ nwo dede bie asi asikyeleɛ berɛ.”

Ɛksadɔso 32:19

Mmerɛ bɔ Mose pingyele asikyeleɛ ne, ná onwuni nandwie ba ne ne abiliegolɛ pɛ, ye ahone huli paa, na ogyili nyɔboɛ taataa (nyɔ) bɔ otira ye ne guale bokaa ne nye abo berɛ maa nu bubuli.

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

1 Korintofoɛ 10:14

Yiti aliɛmaa mɔ, ɛmɔhwe ɛmɔ nwo befi bosoensolɛ nwo.

1 Korintofoɛ 5:11

Na afei bɔ mekyerɛ mebrɛ ɛmɔ ole kyɛ, nnɛma ɛmɔ ne ebiala bɔ ɔfrɛ ye nwo aliɛmaa bɔ ɔbɔ adwaman, anaa ɔte anyeboroborolɛ, anaa ɔte bosoensolɛniɛ, anaa ɔte tuture, anaa akɔnomnzaniɛ anaa awueniɛ besã, nnɛma ɛmɔ ne ye to asaa bedidi po.

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

1 Korintofoɛ 8:7

Nakoso nna mmenia mukoraa yeɛ bele nimdeɛ he ɔ. Mmenia biemɔ adwene ahɔ bosoensolɛ nu kyengyekyengye bɔ ɔbaadwu ɛnɛ ye po, sɛ bedi sɔ aleɛ ne bie a, b’adwene yɛ bɛ kyɛ amba bedi bosoen so aleɛ, na ɔma bɛ tiboa bɔ ɔyɛ mmerɛ ne gua bɛ nwo fiɛ.

Deuteronomi 9:12

Afei AWURADE sele me kyɛ, ‘Dwɔso ná fi wa dwu kɔ aseɛnwo dɔ ndɛndɛ, ofikyɛ wɔ mmenia bɔ ɛɛyele bɛ fili Misraim wale ne babɔ musue. Edwirɛ bɔ nhyɛle bɛ kyɛ beli so ne, bali ye nwo makyebu ndɛndɛ so; na bahuro nikyee bayɔ amoen baso ye.’

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.