1 Korintofoɛ 10:4 - AHYERƐLƐ KRONGRON

⁴ na bɛ mukoraa bɛnone sunzum nu anonneɛ komapɛ ne ala. Ofikyɛ, sunzum nu Nyɔbotaen bɔ né oli bɛ si ne, nu nzue yeɛ bɛnone ɔ, na sɔ Nyɔbotaen ne ole Kristo.

1 Korintofoɛ 10:4 Iomraidhean Croise

Gyenesise 40:12

Na Yosef sele ye kyɛ, “Laleɛ ne bo ɛhe: bakaa sa mmaa nza ne kyire ɛlɛsa;

Gyenesise 41:26

Nandwie branoa nzoo ne kyire afoɛ nzoo, yeɛ aburoo nzoo bɔ wahyẽ ne kyire afoɛ nzoo; laleɛ ne te ko.

Edwein 105:41

Ɔpakyele nyɔbotaen ne anu, na nzue pu wale, na ɔtengyɛ fale ɛserɛ ne aso kyɛ asue.

Edwein 78:15

Odwudwale nyɔbotaen mɔ nu wɔ ɛserɛ ne aso, na ɔmane bɛ nzue pee kyɛ buma nu nzue maa bɛnone.

Edwein 78:20

Ɔpakyele nyɔbotaen nu mane nzue pu wale, na asue mɔ yi bu fale so de, nakoso aso ɔkɔhora kɔma aleɛ, anaa naen bɔ ɔkɔso ye maen ɔ?”

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Yesaya 43:20

Eburo ngaka kɔhyɛ me animnyam, ɛserɛ so ngyea ne soholi koso bɛkɔyɔ sɔ ala, ofikyɛ mema nzue ba ɛserɛ so, yeɛ mema asue mɔ bɛba aseɛ pralaa so, kyɛ mefa mema me maen bɔ maneanea nu maye ye ne maa ɔno,

Yesaya 48:21

Olili bɛ nyunu fale ɛserɛ so ne, nzuhɔen angu bɛ, ɔmane nzue pu fili nyɔbotaen ne anu mane bɛ, odwale nyɔbotaen ne anu, na nzue tengyɛ fili nu.

Daniel 2:38

Nekaa biala bɔ kuro mmenia, eburo ngaka ne ewienu nnomaa bɛte ne, wafa bɛ wawura wɔ sa, na wamaa ali bɛ mukoraa bɛ so tumi. Wɔ ole sikaa kɔkorɛ tire ne.

Daniel 7:17

‘Sɔ ngaka mbiri nna nemɔ, bɛ ole ahemvo nna bɔ bɛbaadwɔso aseɛ so ɔ.

Numeri 20:11

Yeɛ Mose pagyale ye sa, na ɔfale ye pɔmaa ne fini nyɔbotaen ne aso pɛen nyɔ. Nzue pu fili nu wale pee, na mmenia nemɔ ne bɛ nyɛmmoa mɔ none bie.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.

Galatiafoɛ 4:25

Hagar gyi berɛ ma Sinai bokaa ne bɔ ɔwɔ Arabia, na osa gyi berɛ ma ɛnɛ Yerusalem, ofikyɛ Yerusalem ne ye mma wɔ ngoaasolɛ nu.

Deuteronomi 9:21

Afei mvale nandwie ba ne, bɔ ɔte ɛmɔ bɔne bɔ ɛmɔyɔle ne. Mvale see nyerale ye, mmubuli nu, na ndini ye muhumuhu kyɛ mvuture, na ngyili ye mvuture ne nguale asue ba bɔ ɔtengyɛ fi bokaa ne aso ɔba ne anu.

Kolosefoɛ 2:17

Ɛhemɔ te nningyein bɔ ɔba nemɔ wawoɛ, nakoso ye paapaa ne ole Kristo.

Hebrifoɛ 10:1

Mmeraa ne de, ole nningyein paa bɔ bɛbaawa ne wawoɛ, na nna bɛ bɔbɔ deinn ɔ. Yiti ɔngora mma bɛ bɔ bɛsɔne Nyameɛ ne, bɛmva afoɛnoa afoɛnoa afɔleɛbɔlɛ ne aso benni mu.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.