1 Korintofoɛ 10:3 - AHYERƐLƐ KRONGRON

³ Bɛ mukoraa belili sunzum nu aleɛ komapɛ ne ala,

1 Korintofoɛ 10:3 Iomraidhean Croise

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Edwein 105:40

Bebisale, na ɔfale ayenzii mɔ brɛle bɛ, na ɔmane bɛ aleɛ fili nyameɛso mane bɛ ko yili.

Ɛksadɔso 16:15

Na Yisraelfoɛ nwuni ye sɔ nen, bebisabisale bɛ nwo ngoko ngoko kyɛ, “Nzikyɛ nikyee ɛhe?” Ofikyɛ né bɛnze nikye horɛ. Na Mose sele bɛ kyɛ, “Aleɛ bɔ AWURADE afa ama ɛmɔ kyɛ ɛmɔli hɔ ɛne.

Ɛksadɔso 16:35

Yisraelfoɛ lili mana afoɛ aburanna, maa oodwuli kyɛ bedwuli aseɛ bɔ mmenia tete so ɔ so; na belili mana toonn kɔpem kyɛ bedwuli Kanaan aseɛ so ɔ.

Ɛksadɔso 16:4

Na AWURADE sele Mose kyɛ, “Ɛ́mɔtie, ngɔma aleɛ kɔtɔ kofi anwuro kogua ase kɔma ɛmɔ. Ɛlɛho biala mmenia ne kofite kɔɔsesa bɔ ɔkɔso bɛ di sɔ kyẽa ne ɔ. Na ɛhe kɔmaa ngonwu ye sɛ bekoli me mmeraa so anaakyɛ bengoli so a.

Deuteronomi 8:3

Ɔmane ɛhɔen huni wɔ fa brɛle wɔ ase, na mana bɔ né ɛnze nikye horɛ, bɔ wɔ nana mɔ koso bɛnze nikye horɛ ne, ɔmane wɔ bie maa elili. Ɔyɔle sɔ, kyɛbɔ ɔkɔmaa ekonwu ye kyɛ, nna aleɛ ngome yeɛ ɔma sona nya ngoa ɔ, na mmom AWURADE noa nu dwirɛ biala yeɛ ɔma sona nya ngoa ɔ.