1 Korintofoɛ 10:25 - AHYERƐLƐ KRONGRON

²⁵ Ɛmɔli naen biala bɔ bɛtɔne ye dwaanu, na ɔnate sona tiboa ti nnɛma ɛmɔbisabisa ye nwo dwirɛ biala.

1 Korintofoɛ 10:25 Iomraidhean Croise

Asomafoɛ 10:15

Na ɔtele dwudwolɛ bieku kyɛ, “Nikyee biala bɔ Nyameɛ ate ye nwo kyɛ beli ne, nnɛbu ye kyɛ ɔte akyiwadeɛ.”

Romanfoɛ 13:5

Yiti, ɔsɛ kyɛ ɛmɔbrɛ bɛ nwo ase bewura bɛ bo; nna kyɛ ɛmɔkɔnwati bekofi Nyameɛ yaafɛlɛ piri ne anu angome ti ɔ, na mmom ɛmɔ tiboa koso ti ɔ.

Romanfoɛ 14:14

Mese, na m’adwene koso si pi wɔ Awurade Yesu nu kyɛ, nikyee biala nne berɛ bɔ ye nwo nde ɔ; na mmom ye nwo nde ma sona bɔ obu aleɛ ne kyɛ ye nwo nde ɔ.

1 Korintofoɛ 8:7

Nakoso nna mmenia mukoraa yeɛ bele nimdeɛ he ɔ. Mmenia biemɔ adwene ahɔ bosoensolɛ nu kyengyekyengye bɔ ɔbaadwu ɛnɛ ye po, sɛ bedi sɔ aleɛ ne bie a, b’adwene yɛ bɛ kyɛ amba bedi bosoen so aleɛ, na ɔma bɛ tiboa bɔ ɔyɛ mmerɛ ne gua bɛ nwo fiɛ.

1 Timoteo 4:4

Ofikyɛ Nyameɛ abɔdeɛ biala te paa, na sɛ yɛfa asennaa yɛsɔ nu de a, ye de ɔnzɛ kyɛ yɛkyi nikyee fee ɔ;

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ