1 Korintofoɛ 10:22 - AHYERƐLƐ KRONGRON

²² Anaa yɛpena kyɛ yɛwura Awurade apue maa ɔtwe nungunɛ hɔ ɔ? Yɛbu ye kyɛ yɛ nwo yɛ se tra ye anaa?

1 Korintofoɛ 10:22 Iomraidhean Croise

1 Ahemvo 14:22

Na Yuda yɔle bɔ ɔte bɔne wɔ AWURADE nyunu ɔ. Bɛ bɔne bɔ bɛyɔle ne, ɔtra bɔne amukoraa bɔ bɛ nana mɔ yɔle ɔ, na bɛmane AWURADE hwene bɛ nwo nungunɛ.

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Edwein 78:58

Ofikyɛ bɛfale b’asɔneyɛɛ nemɔ bewurale ye apue maa ɔfɛle yaa; na b’amoen nemɔ ati, Nyameɛ hwene bɛ nwo nungunɛ.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 34:14

Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Nworɛ Dwirɛhanɛniɛ 6:10

Nikyee biala bɔ ɔwɔ berɛ ne, bato ye dumaa dadadada. Ebiala se kyɛbɔ kuro sona osi te ɔ. Ebiala se kyɛ, sona ngora nne ebie bɔ ye nwo yɛ se tra ye ɔ benni apereapereɛ.

Yesaya 45:9

“Sona bɔ ɔne Nyameɛ bɔ ɔbɔle ye ɔ bɛpere so ne, ye yaakɔ! Bua bɔ ɔne sona bɔ ɔnwone ye ɔ bɛpere so ne, ye yaakɔ! Aso ɛfaa obisa sona bɔ ɔfa ye nwo nikyee ne kyɛ, ‘Nzikyɛ yeɛ ɛyɔ e’? Anaakyɛ: ‘Bɔ anwo ne, olle asaa?’

Yeremia 44:8

Nzu ati yeɛ ɛmɔfa ɛmɔ sa noa nnwumaa bewura me apue, bɔ ɛmɔyera ɛyɛɛ bɛma nyameɛ foforɛ mɔ wɔ Misraim aseɛ bɔ ɛmɔatena so ne aso, bɔ ɔnate ye sɔ ati ɛmɔ boso kɔnnua, ná ɛmɔayɛ ɛnomalɛ nikye ne ngorohoɛ nikye wɔ aseɛ ye aso maen amukoraa nu ɔ?

Yeremia 7:19

Me yeɛ bewura me apue ye? AWURADE noa dwirɛ ɛne. Aso nna bɛ bɔbɔ yeɛ bɛha bɛ nwo ɔ?

Hesekiel 22:14

Kyẽa bɔ me ne wɔ yɛkoli ye weewee so ne, aso ɛkɔhora kosi wɔ hue, anaa ɛkɔhora kogyina ye noa’? Me, AWURADE, me yeɛ mahã ɔ, na ngɔyɔ koso.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Deuteronomi 32:16

Bɛsole nyameɛ foforɛ biemɔ mane Nyameɛ hwene ye nwo nungunɛ, na bɛfale akyiwadeɛ behuli ye ahone.

Deuteronomi 32:21

Bɛsole bɔ nna Nyameɛ ahɔ ɔ maa ndwene ye nwo nungunɛ, na bɛfale bɛ mmosoen fiɛ nemɔ bɛhane me anyinga. Yiti me koso, ngɔfa mmenia mbaen bie bɔ nna maen ahɔ ɔ maa bɛkɔhwe ye nwo nungunɛ, na ngɔfa ngwaseafoɛ maen ngɔhã bɛ anyinga.

Deuteronomi 4:24

Ofikyɛ AWURADE wɔ Nyameɛ ne, ɔte see bɔ ɔyera motoo ɔ, Nyameɛ bɔ ɔtwe nungunɛ ɔ.

Deuteronomi 6:15

ofikyɛ AWURADE wɔ Nyameɛ bɔ ɔne wɔ nate ne, ɔte nungunɛ Nyameɛ. AWURADE wɔ Nyameɛ kɔfɛ wɔ so yaa piri paa, na okohu wɔ kokyikyi wɔ boso kofi aseɛ ye aso.

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.