1 Korintofoɛ 10:21 - AHYERƐLƐ KRONGRON

²¹ Ɛmɔngɔhora bɛngɔno Awurade kulie noa, ná ɛmɔano sunzummɔne mɔ koso bɛ kulie noa. Ɛmɔngɔhora bengodidi Awurade poen so, ná ɛmɔasa badidi sunzummɔne mɔ bɛ poen so.

1 Korintofoɛ 10:21 Iomraidhean Croise

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

Yesaya 65:11

Nakoso ɛmɔ bɔ ɛmɔpo AWURADE, bɔ ɛmɔ wora fi me bokaa krongron ne, bɔ ɛmɔto poen bɛma bosoen bɔ ɛmɔfrɛ ye Saleɛ, bɔ ɛmɔfa nzaa mvrafra begua kwangoa nu tɛkyɛɛ bɛma bosoen bɔ ɛmɔfrɛ ye Ngrabea ɔ;

Yeremia 44:8

Nzu ati yeɛ ɛmɔfa ɛmɔ sa noa nnwumaa bewura me apue, bɔ ɛmɔyera ɛyɛɛ bɛma nyameɛ foforɛ mɔ wɔ Misraim aseɛ bɔ ɛmɔatena so ne aso, bɔ ɔnate ye sɔ ati ɛmɔ boso kɔnnua, ná ɛmɔayɛ ɛnomalɛ nikye ne ngorohoɛ nikye wɔ aseɛ ye aso maen amukoraa nu ɔ?

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

1 Korintofoɛ 10:16

Yɛda Awurade Adidie kulie bɔ bayira so ne nwo ase a, aso ongyire kyɛ yɛne Kristo mogya ne afa abiɛngoɛ anaa? Paanoo bɔ yɛbubu ne, aso ongyire kyɛ yɛne Kristo nipadua ne afa abiɛngoɛ anaa?

1 Korintofoɛ 8:10

Na sɛ sona bie bɔ ye tiboa yɛ mmerɛ nwu wɔ bɔ ele nimdeɛ ne kyɛ edidi bosoen asɔneyɛɛ sua nu a, aso ɛhe ngɔwɔ ye kɔme asi ma ongoli bosoen so aleɛ ne bie?