1 Korintofoɛ 10:18 - AHYERƐLƐ KRONGRON

¹⁸ Ɛmɔnea Yisraelfoɛ! Aso bɛ bɔ bedi afɔlebɔdeɛ nen, bɛ ne afɔleɛ bokyea ne bennyane abiɛngoɛfalɛ anaa?

1 Korintofoɛ 10:18 Iomraidhean Croise

Lewitikɔso 3:11

Na odi kyɛ ɔsɔfo ne ɔyera ye afɔleɛ bokyea ne aso maa ɔyɛ aleɛ bɔ bɛyera ye see so bɛma AWURADE ɔ.

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Lewitikɔso 7:7

“Foɛlilɛ afɔleɛ ne, ɔte kyɛ bɔne nwo afɔleɛ ne ala, ofikyɛ bɛ nwo nhyehyɛleɛ te ko; naen ne te ɔsɔfo bɔ ɔkɔbɔ sɔ afɔleɛ ne deɛ.

Romanfoɛ 1:3

nzɛmba ne bɔ ɔfa Ɔwa Yesu Kristo bɔ ɔte y’Awurade ne, bɔ anwoɔnaen nu de, ɔte Dawide bosoniɛ ne nwo;

Romanfoɛ 4:1

Yɛ anwoɔnaen nu nana Abraham, bɔ onyane ye ne, nzikyɛ yeɛ yɛkã yɛfa ye nwo ɔ?

Romanfoɛ 4:12

Sɔ ala yeɛ Abraham te bɛ bɔ bapɛ bɛ bienzua ne bɛ nana ɔ; nna bɛ bienzuapɛlɛ ne ngome po, na mmom bɛfa gyidie bɔ yɛ nana Abraham nyane ye koraka yeɛ bɛpɛ ye bienzua ne bɛyɛ nhwɛsoɛ.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

Galatiafoɛ 6:16

Na mmenia amukoraa bɔ bedi nhyehyɛleɛ he aso ne, asomdwee ne anwumvoinnwunɛ ɔyɛ bɛ, ɔne Yisrael bɔ ɔte Nyameɛ deɛ ne ye deɛ.

Deuteronomi 12:17

Nnɛdi sɔ nningyein hemɔ wɔ wɔ nguro nemɔ anu: w’aburoo buru nu ngyɛmuɛ ko, wɔ nzaa buru nu ngyɛmuɛ ko, yeɛ wɔ ngoo buru nu ngyɛmuɛ ko, anaa wɔ nandwie ne wɔ mmoaen bamuɛbaa mɔ, anaa w’aboadeɛ afɔleɛ biala, w’akyɛdeɛ afɔleɛ, anaa wɔ ndoboa.

Hebrifoɛ 13:10

Yɛle afɔleɛ bokyea bɔ bɛ bɔ bedi dwumaa wɔ ɛtena sua ne anu ne, belle ye nwo ate kyɛ bedi so nikyee biala ɔ.