1 Korintofoɛ 10:13 - AHYERƐLƐ KRONGRON

¹³ Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.

1 Korintofoɛ 10:13 Iomraidhean Croise

Edwein 124:7

Yɛ kra anya ye ti wadidi nu kyɛ anomaa wafi ngaensualɛfoɛ nemɔ bɛ ngaen nu, ngaen ne anu abubu, na yanya yɛ ti yadidi nu.

Edwein 125:3

Ahemvo bɔnefoɛ mɔ bɛ hɔtɔ ngɔhɔ so ngoli tumi wɔ aseɛ bɔ bafa bama teneneefoɛ ne aso, kyɛbɔ ɔkɔyɛ bɔ teneneefoɛ bɛngɔfa bɛ nwo bɛngɔfɔlefɔle amumuyɛɛ ɔ.

Edwein 36:5

Ao AWURADE, wɔ ɔdɔ bɔ onni ngasi ne, ɔkɔkã ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 89:33

Nakoso mengɔye me ɔdɔ bɔ onni ngasi ne mengofi ye so, yeɛ mengɔkakyi me si mengɔma me nahorɛlilɛ ne.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Yesaya 11:5

Tenenee kɔyɛ abɔsoɛ bɔ ɔkɔfa kɔbɔ ye nu ɔ, yeɛ nahorɛlilɛ kɔyɛ abɔsoɛ kɔbɔ ye yaase.

Yesaya 25:1

O AWURADE, wɔ yeɛ ɛte me Nyameɛ ɔ, ngɔkamvo wɔ, ngɔye wɔ dumaa ayɛ, ofikyɛ ayɔ anwanwadeɛ nningyein, ofi tetetetetete yeɛ ɛyɔle sɔ nhyehyɛleɛ ne ɔ, na ali so nahorɛ nu.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yeremia 12:5

“Sɛ ɛne mmenia bɔ bɛnate bɛ gya kunu po betu amirika, ná bɛmaa ɛfɛ a, ɔkɔyɛ sɛɛ né ahora ɛne mbɔngɔ batu amirika? Na sɛ aseɛ bɔ so la berɛ pralaa po efi ase wɔ so a, ye de Yɔɔdan ɛhɔayeɛ ne anu, ɛkɔyɛ ye sɛ?

Yeremia 29:11

Ofikyɛ mese adwene horɛ bɔ medwene mefa ɛmɔ nwo ɔ, AWURADE noa dwirɛ ɛne; yeeyɛlɛ nwo adwene, nna bɔne adwene ɔ; kyɛ ngɔma ɛmɔkonya ayieleɛ paa ne anyelasoɛ.

Awuye 3:23

Ngyerɛmɔ biala ɔte foforɛ, wɔ nahorɛlilɛ te piri.

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Hosea 2:20

Ngɔbɔ wɔ asiwa ngɔma me nwo wɔ nahorɛlilɛ nu, na ekonwu AWURADE.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Luka 11:4

ná fa yɛ bɔne kyɛ yɛ, ofikyɛ yɛ koso yɛfa ebiala bɔ ɔfõ yɛ ɔ ye deɛ yɛkyɛ ye. Na nnɛfa yɛ kɔ nzɔhwɛ nu.’ ”

Luka 16:26

Na ɛhe amukoraa si ne, bɔnga pirikua bie la yɛne ɛmɔ afia, kyɛbɔ ɔkɔyɛ bɔ bɛ bɔ bekuro kyɛ befi wa bɛba ɛmɔ dɔ ne, bɛngɔhora ba ɔ. Yeɛ bɛ bɔ bɛwɔ dɔ ne koso, bɛngora bɛndra bɛmma yɛ wa.’

Luka 22:46

Na osele bɛ kyɛ, “Nzu ati yeɛ ɛmɔdafe ye? Ɛ́mɔdwɔso bɛ́bɔ mbaeɛ ná ɛmɔangɔ nzɔhwɛ nu.”

Asomafoɛ 27:44

na afei bɛ ngaa ne koso bɛpo bɛ; ebie butubutu ndaboa nemɔ so, na ebiemɔ koso bebutubutu ɛlɛen buburuwaa asiiasii nemɔ so. Yiti kyɛbɔ ɔyɛle bɔ yɛ mukoraa yɛnyane yɛ ti ngoa yɛwale etii so hɔ ɛne o.

1 Korintofoɛ 1:9

Nyameɛ bɔ wafrɛ ɛmɔ kyɛ ɛmɔ ne Ɔwa, y’Awurade Yesu Kristo bɛfa abiɛngoɛ ne, odi nahorɛ.

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

Deuteronomi 7:9

Yiti ɔsɛ kyɛ enwu ye kyɛ, AWURADE wɔ Nyameɛ ne, ye ole Nyameɛ; Nyameɛ nahorɛlilɛniɛ bɔ odi ye adɔeɛ apam so ma mmenia bɔ bekuro ye dwirɛ ná bedi ye mmeraa dwirɛ so ɔ, kodwu aworɛ ndoatoasoɛ apee so.

1 Tɛsalonikafoɛ 5:24

Bɔ ɔfrɛ ɛmɔ ne odi nahorɛ, na ɔkɔyɔ koso amba.

2 Tɛsalonika 3:3

Nakoso Awurade di nahorɛ; ɔkɔma ɛmɔ kogyina pindinn, ná wabɔ ɛmɔ nwo waen wafi bɔnefoɛ ne sa nu.

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.

Hebrifoɛ 10:23

Ɛ́mɔma yɛsɔ anyelasoɛ dwirɛ bɔ yɛgyi so ne anu serɛ, ofikyɛ bɔ ɔhyɛle bɔ ne, odi nahorɛ.

Hebrifoɛ 11:11

Ɔnate gyidie so yeɛ Sara bɔ né wabo aworɛ so ne hora nwonzɛle wole ɔ, ofikyɛ obuli bɔ ɔhyɛle bɔ ne kyɛ odi nahorɛ.

Hebrifoɛ 12:4

Na apereapereɛ bɔ ɛmɔ ne bɔne bedi ye, ɛmɔnnya bɛffale ɛmɔ ngoa bɛppɛle so.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

1 Petro 4:19

Yiti bɛ bɔ ɔnate Nyameɛ apɛdeɛ ti benwu amaneɛ ne, maa bɛfa bɛ kra bewura Ɛdangama bɔ ɔte nahorɛniɛ ne sa, ná bɛhɔ so bɛyɔ bɔ ɔte paa ɔ.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

1 Samuel 29:10

Yiti ɛne wɔ mene somvoɛ mɔ bɔ bɛ ne wɔ wale ne, ɛ́mɔpɛ aleɛ bedwɔso. [Wɔ nwo dwirɛ tɛɛ bɔ baha ne, nnɛmaa ɔha wɔ, ofikyɛ me nye asɔ bɔ ayɔ ne.] Ɔsɛ kyɛ alebahyene ɛmɔdwɔso, na sɛ maen nu tete ala a, ɛ́mɔsi nu bɛhɔ nekaa bɔ mama ɛmɔaatena ne.”