1 Korintofoɛ 10:11 - AHYERƐLƐ KRONGRON

¹¹ Ɛhe amukoraa tole bɛ maa ɔyɛle kɔkɔbɔlɛ, na bɛhyerɛ bɛtole berɛ bɛfa betuli yɛ foɛ, yɛ bɔ wiase ayieleɛ mmerɛ ne wato yɛ ne.

1 Korintofoɛ 10:11 Iomraidhean Croise

Gyenesise 19:35

Yiti sɔ kɔngɔen ne koso bɛmane bɛ se nzaa ma ɔnone; na kaaba ne dwɔsole ɔne ye bɛɛlale. Nakoso wannwu ɔwa ne nnaa nu ne ye dwɔsolɛ nu.

Edwein 102:18

Odi kyɛ bɛkyerɛ ɛhe bɛto berɛ bɛma aworɛ ndoatoasoɛ bɔ ɔbaawa ɔ, amaa ɔnate so mmenia bɔ bennya bɛwwole bɛ ne, baye AWURADE ayɛ kyɛ,

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Mateo 13:39

Pɔfoɛ bɔ oluale ne ole abɔnzam; ye telɛ mmerɛ ne ole ewiase ayieleɛ, na bɛ bɔ bɛte ne ole abɔfo mɔ.

Mateo 13:40

Na kyɛbɔ betutuli ngyɛngyɛma ne ná bɛfale see bɛyerale bɛ ne, sɔ ala yeɛ ɔkɔyɛ wɔ ewiase ayieleɛ ne ɔ.

Romanfoɛ 13:11

Na ɛhemɔ asi ne, ɛmɔse mmerɛ ne, kyɛ mmerɛ aso kyɛ ɛmɔtingye befi nnaa nu ɔ. Ofikyɛ yɛ ngoalelɛ ne wapingye watra mmerɛ bɔ yɛɛyɛle agyidifoɛ ɔ.

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

Romanfoɛ 4:23

Na sɔ dwirɛ he: “Nyameɛ buli ye gyidie ne kyɛ tenenee mane ye” ne, bangyerɛ bamma ye ngome.

1 Korintofoɛ 10:6

Na ɛhemɔ te kɔkɔbɔlɛ ma yɛ, amaa yanni bɔne si kyɛbɔ belili ne.

1 Korintofoɛ 7:29

Aliɛmaa mɔ, mekyire kyɛ, mmerɛ bɔ waha ne te tika, yiti ofi ɛnɛ bɔ ɔkɔ ɔ, bɛ bɔ begya braa ne, odi kyɛ bɛbɔ bɛ bra kyɛ beggya bie ɔ;

1 Korintofoɛ 9:10

Anaakyɛ nna yɛ ti yeɛ ɔmaa ɔhane sɔ ɔ? Ɔte nahorɛ kyɛ yɛ ti yeɛ bahyerɛ kyɛ, odi kyɛ sona bɔ ofundam aseɛ ne fundam ye anyelasoɛ nu, na bɔ ɔboro aburoo ne koso boro ye anyelasoɛ nu kyɛ okonya nu bie ɔ.

Galatiafoɛ 4:24

Ɛhemɔ te mvandoho, ofikyɛ mmrasua nyɔ ne gyi berɛ ma apam nyɔ. Ko bɔ ɔwo ye mma deɛ gua ngoaasolɛ nu ne ole Hagar, na ofi Sinai Bokaa ne aso.

Filipifoɛ 4:5

Ɛ́mɔma mmenia amukoraa bénwu ɛmɔ animia ne. Awurade apingye!

Hebrifoɛ 10:25

Nnɛmɔma yɛyakyi yɛ nwo yɛ nwo nyianuyɛlɛ, kyɛbɔ ebiemɔ de bayakyi ye yɔlɛ nen; na mmom ɛ́mɔma yɛhɔ so yɛtutu yɛ nwo yɛ nwo foɛ, nganga kekesaala ye bɔ ɛmɔnwu ye kyɛ Kyẽa ne apingye ye.

Hebrifoɛ 10:37

“Ofikyɛ waha kãa bie, né bɔ ɔ́ba ne wawa; na ɔngɔhyɛ biala.

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.